مستەفا کازمی، سەرۆکوەزیران و فەرماندەی گشتی هێزە چەکدارەکانی عێراق رایگەیاند، داوا لە هێزە ئەمنییەکان دەکات ئەرکی پیشەیی خۆیان جێبەجێ بکەن و کەسانی زیادەڕۆکار دەستگیربکەن، هەروەها داوا دەکەن رەوشی سیاسی و قەیرانەکەی، نەبێتەهۆی ئەوەی ئاسایشی کۆمەڵایەتی بکەوێتە مەترسییەوە.
نووسینگەی راگەیاندنی سەرۆکوەزیرانی عێراق بڵاویکردەوە، مستەفا کازمی، فەرماندەی گشتی هێزە چەکدارەکان سەرۆکایەتی کۆبوونەوەی ئەنجومەنی وەزاری بۆ ئاسایشی نیشتیمانی کرد، لە کۆبوونەوەکەدا دۆخی ئەمنی و هەوڵەکانی بەرەنگاربوونەوەی داعش تاوتوێ کراون.
ئاماژە بەوەشکراوە، ئەنجومەنەکە جەخت لەسەر بەرەنگاربوونەوەی هەموو هەوڵێک دەکاتەوە کە ئاشتی کۆمەڵایەتی بخاتە مەترسییەوە، لەوانەش هێرشکردنەسەر بارەگا حزبییەکان و زیانگەیاندن بە موڵکی گشتی دەوڵەت و موڵکی تایبەت.
کازمی باسی لەوەشکردووە، پێویستە رێگری بکرێت لەکاریگەری دۆخی قەیرانی سیاسی لەسەر شەقامی عێراق، بۆیە داوا لە هێزە ئەمنییەکان دەکات ئەرکی خۆیان جێبەجێ بکەن و بارەگا حزبییەکان، کۆبوونەوەی هاووڵاتیان و بۆنە کۆمەڵایەتییەکان بپارێزن.
هاوکات، رەتیدەکەنەوە ئاشتی کۆمەڵایەتی بخرێتە مەترسییەوە، بۆیە پێویستە هێزە ئەمنییەکان پیشەییانە مامەڵە بکەن و رێگری بکەن لەهەر کەس و لایەنێکی زیادەڕۆییکار.
1
مەرجەکانی وەرگرتن لە کولێژی سەربازی ئاشکرا دەکرێت
2
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
3
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
4
سزای بەسەرچوونی مۆڵەتی شۆفێری گۆڕانکاری بەسەرداهات
5
لە وتاری زمانی تورکمانی، ژمارەی هاووڵاتییانی تورکمان بە پەنجەی دەست دەژمێردرێت..!
