سەرۆکوەزیرانی عێراق رایگەیاند، بەردەوام دەبن لە گەڕاندنەوەی پارچە شوێنەوارە بەقاچاغبراوەکان.
نوسینگەی راگەیاندنی مستەفا کازمی، سەرۆکوەزیرانی عێراق بڵاویکردەوە، مستەفا کازمی مۆزەخانەی نیشتمانیی عێراقی کردوەتەوە کە ھاوکاتە لەگەڵ رۆژی لێبوردەیی و پێکەوە ژیانی نیشتمانیی و تێپەڕبوونی ساڵێک بەسەر سەردانە مێژوییەکەی پاپای کڵێسای کاسۆلیکی، پاپا فرەنسیس بۆ عێراق و دیداری لەگەڵ عەلی سیستانی.
ئاماژەی بەوەشکردووە، سەرۆکوەزیرانی عێراق پێشانگایەکی تایبەت بەو پارچە شوێنەوارانەی کە لە ئەمریکا، ھۆڵەندا، ژاپۆن، ئیتاڵیا و لوبنان گەڕێندراونەتەوە، کردوەتەوە.
نوسینگەی راگەیاندنی سەرۆکوەزیرانی عێراق باسی لەوەش کردووە کە لە میانی کردنەوەی مۆزەخانە و پێشانگاکەدا، کازمی ستایشی ئەو ھەوڵانەی کردوە کە وەزارەتی رۆشنبیری و لایەنە پەیوەندیدارەکانی دیکە بۆ پاراستنی کەلتوور و شوێنەوارەکان گرتویانەتە بەر.
کازمی جەختی لەوە کردوەتەوە، بەردەوام دەبن لە گەڕاندنەوەی پارچە شوێنەوارە بەقاچاغبراوەکان لە دەرەوە و رایگەیاندوە، “پاڵپشتی لە ھەمو ئەو رێوشوێنانە دەکەین کە تایبەت بە گەڕاندنەوەی پارچە شوێنەوارە بەقاچاغبراوەکان لە دەرەوە، گیراونەتەبەر”.
1
مەرجەکانی وەرگرتن لە کولێژی سەربازی ئاشکرا دەکرێت
2
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
3
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
4
سزای بەسەرچوونی مۆڵەتی شۆفێری گۆڕانکاری بەسەرداهات
5
لە وتاری زمانی تورکمانی، ژمارەی هاووڵاتییانی تورکمان بە پەنجەی دەست دەژمێردرێت..!
