وەزارەتی دەرەوەی ئەمریکا رایگەیاند، وەکو کاردانەوەیەک بەرامبەر بڕیارەکەی حکومەتی تاڵیبان بۆ راگرتنی پرۆسەی خوێندنی کچان لە ئەفغانستان، گفتوگۆکانی لەگەڵ سەرکردەکانی تاڵیبان کە بڕیاربوو لەم هەفتەیەدا لە قەتەر بەڕێوەبچن هەڵدەوەشێنێتەوە.
وەزارەتی دەرەوەی ئەمریکا لەراگەیەنراوێکدا ئاماژەی بەوەکردووە، لەم کاتەدا سێ ملیۆن خێزانی ئەفغانستان هەست بەبێ ئومێدییەکی قووڵ دەکەن بەهۆی ئەوەی کچان ناتوانن بگەڕێنەوە بۆ خوێندن.
ئەوەش هاتووە، بۆیە بڕیارەکەی تاڵیبان وەک هەنگاوێک دەبینن کە پێویست بە کاردانەوە و راگرتنی دەکات، لەو چوارچێوەیەشدا گفتوگۆکانیان لەگەڵ سەرکردەکانی تاڵیبان هەڵوەشاندەوە کە بڕیاربوو لەم هەفتەیەدا لە دیداری دەوحەدا ئەنجام بدرێن.
23ی ئەم مانگە دوای چەند کاتژمێرێک لەکردنەوەی ناوەندەکانی خوێندن و دەستپێکی ساڵی نوێی خوێندن لە ئەفغانستان، بزوتنەوەی تاڵبیان بڕیاریدا خوێندنی کچان لە پۆلی شەشی سەرەتایی بەسەرەوە تاکاتێکی نادیار رابگرێت، لای خۆیەوە رێکخرای نەتەوە یەکگرتوەکان بڕیارەکەی سەرکۆنە کرد.
1
بەربەستەکانی دەوروبەری کەعبەی پیرۆز لادەبرێن
2
گۆڕانکاری کۆیلایەتی لە رابردووەوە تاوەکو ئەمڕۆ
3
دوای مردنی دوو خانەنشین، بەڕێوەبەری بانکی تانجەڕۆ بڕیاری دەستلەکار پێکێشانەوەی بۆ دەرکرا
4
“رەنگە لە زستانی ئەمساڵدا لە بەریتانیا رۆژانە سێ کاتژمێر پچڕانی کارەبا رووبدات”
5
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
