لەمیانی بوومەلەرزەیەک بە گوری 5.4 پلە بە پێوەری رێختەر لە شاری هۆی سەربە ویلایەتی ئازەربایجانی رۆژئاوا لە ئێران، 1127 کەس برینداربوون.
موجتەبا خالیدی، وتەبێژی ئاژانسی فریاگوزاری خێرا بە تەلەڤیزیۆنی فەرمی ئێرانی راگەیاندووە، لە ئەنجامی بوومەلەرزەیەک لە شاری هۆی سەربە ویلایەتی ئازەربایجانی رۆژئاوا لە ئێران 1127 کەس برینداربوون کە 71 کەسیان بەهۆی سەختی برینەکانیانەوە پێویستیان بە نەشتەرگەری هەیە.
محەمەد سادق موعتەمیدیان، پارێزگاری ئازەربایجانی رۆژئاوا بە تەلەڤیزیۆنی فەرمی ئێرانی راگەیاندووە، بەهۆی بەردەوامی بوومەلەرزەکە، 50 خانوو بە تەواوی رووخاون و 500ـی دیکەش زیانیان بەرکەوتووە.
