پەیوەندی نێوان مێسی و ئێمباپێ چۆنە؟

پەیوەندی نێوان مێسی و ئێمباپێ چۆنە؟

لیۆنێل مێسی، لەبارەی پەیوەندی لەگەڵ کیلیان ئێمباپێی هاویانەی رایگەیاند "هیچ ناکۆکییەکمان نییە".

شوبات 4, 2023 13:10
پەیوەندی نێوان مێسی و ئێمباپێ چۆنە؟
0

لایک

لیۆنێل مێسی، لەبارەی پەیوەندی لەگەڵ کیلیان ئێمباپێی هاویانەی رایگەیاند “هیچ ناکۆکییەکمان نییە”.

مێسی ئەستێرەی ئەرژەنتینی یانەی پاریس سان جێرمانی فەڕەنسی لە چاوپێکەوتنێکی نوێدا لەگەڵ رۆژنامەی ئۆلێی ئەرجەنتینی لەبارەی مۆندیالی قەتەر و پەیوەندی لەگەڵ کیلیان ئێمباپێ دوا.

لیۆ لەبارەی بردنەوەی مۆندیالی قەتەر وتی ” دەمزانی و دڵنیابووم لەوەی خوا مۆندیالم پێدەبەخشێت، نازانم بۆچی، بەڵام زۆر هەستم بەوە دەکرد و خوا باشترین کاتەکانمی بۆ هەڵبژاردم بۆ ئەوەی بگەم بە خەونەکەم. بردنەوەی نازناوی جامی جیهان شتێکی ناوازەیە و بەدرێژایی کاروانی یارییکردنم هەوڵی بەدەستهێنانیم داوە و ئێستا دەتوانم بڵێم من پاڵەوانی جیهانم”.

مێسی  سەبارەت بە پەیوەندییەکانی لەگەڵ کیلیان ئێمباپێ وتی ” لەبارەی یاریی کۆتایی و ئاهەنگەکان قسەم لەگەڵی کردووە، چۆن لە ئەرجەنتین دەژیام و رۆژەکانی پشووم چۆن بەسەربرد کاتێک ئاهەنگمان دەگێڕا، لەوە زیاتر هیچ شتێکی دیکە نییە و هیچ ناکۆکییەکمان نییە.”