پەرلەمانی عێراق گفتوگۆ لەبارەی ژیانی مووچەخۆران دەکات
  • TEBA KURDİ
  • عێراق
  • پەرلەمانی عێراق گفتوگۆ لەبارەی ژیانی مووچەخۆران دەکات

پەرلەمانی عێراق گفتوگۆ لەبارەی ژیانی مووچەخۆران دەکات

كانونی دووه‌م 31, 2023 20:41
پەرلەمانی عێراق گفتوگۆ لەبارەی ژیانی مووچەخۆران دەکات
0

لایک

ئەندامێکی لیژنەی دارایی پەرلەمان رایگەیاند، خوێندنەوەی یەکەم بۆ پڕۆژە یاسای خزمەتگوزاری شارستانی کۆتایی هاتووە و ئەم پڕۆژە یاسایەش کار بۆ رێکخستنی کاروبار و مووچە و دامەزراندنی فەرمانبەران دەکات. دەشڵێت، “لە ماوەی داهاتوو خوێندنەوەی دووەمی لە پەرلەمان بۆ ئەنجام دەدرێت.”

جەمال کۆچەر ئەندامی لیژنەی دارایی لە پەرلەمانی عێراق بە میدیاکانی عێراقی راگەیاند، پڕۆژە یاسای “خزمەتگوزاری شارستانی” کاورباری فەرمانبەرانی سەرجەم بەڕێوەبەرایەتییەکانی عێراق رێکدەخات.

ئەوەشی خستەڕوو، ئەم پڕۆژە یاسایە کاروباری فەرمانبەران و مووچە و کردنەوەی بوارەکانی دامەزراندن و سڕینەوە و نوێکردنەوە و دیاریکردن و هەڵبژاردنی بەڕێوەبەری بەڕێوەبەرایەتییەکان لە خۆدەگرێت.

جەمال کۆچەر ئاماژەی بەوەشدا، عێراق چەندین پڕۆژە یاسای تایبەت بە رێکخستنی کاروباری فەرمانبەران و کۆمەڵە و رێکخراوەکان هەیە هەموو ئەمانەش لە پڕۆژە یاسایەکی نوێدا کۆدەکرێنەوە، هاوکات خوێندنەوەی یەکەمی ئەم پڕۆژە یاساییە کۆتایی هاتووە و لە خوێندنەوەی دووەمیدا هەندێک گفتوگۆ سەبارەت بەم پڕۆژە یاسایە لە نێوان پەرلەمانتارەکان و لیژنەی دارایی و کۆبوونەوەکان و لیژنەی پەیوەندیدار و ئەو چینانەی پەرلەمان کە پەیوەندیان بەم پڕۆژە یاساییەوە هەیە ئەنجام دەدرێت.

باسی لەوەشکرد، ئەم پڕۆژە یاسایە یەکێکە لە گرنگرتین پڕۆژەکان، چونکە پەیوەندی بە ژیانی هەموو فەرمانبەرانی کەرتی گشتی هەیەو و بە دڵنیایەوە تێبینیەکانی سەر ئەم پڕۆژە یاسایە زۆر و قووڵ دەبن.