پارێزگاری هەولێر(ئەربیل) رایگەیاندوە، هەر خاوەن پڕۆژەیەک، یان کۆمپانیایەکى خزمەتگوزاریی یەکەکانى نیشتەجێبوون پابەند نەبێت بەو نرخەى کە لەلایەن پارێزگاى هەولێرەوە دیاریکراوە بۆ خزمەتگوزاریی لە یەکە و شارە نیشتەجێبووەکان و سەرپێچى بکات، بەتوندترین شێوە ڕووبەڕووى سزایی یاسایی و پێبژردن دەبێتەوە
نوسینگەی راگەیاندنی پارێزگاری هەولێر(ئەربیل) لەراگەیەندراوێکدا ئاماژەی بەوەکردوە، “نیوەڕۆى ئەمڕۆ یەکشەممە 2022.4.3، بەسەرپەرشتى ئومێد خۆشناو، پارێزگارى هەولێر، بەئامادەبوونى هێمن قادر و مەسعود کاڕەش جێگرانى پارێزگار و نەبەز عەبدولحەمید، قائیمقامى ناوەند و ئەکرەم ئەحمەد، یاریدەرى پارێزگار و سامان عارەب، بەڕێوەبەرى گشتى وەبەرهێنانى پارێزگاى هەلێر و ئەندامانى دیکە لیژنە، لەدیوانى پارێزگا، کۆبوونەوەى لیژنەی بەدواداچوون و دانانی نرخی خزمەتگوزاری پرۆژەکانی نیشتەجێبوون ئەنجامدرا”.
لەکۆبوونەوەکەدا، دواى گفتوگۆکردن لە نرخى خزمەتگوزاری پرۆژەکانی نیشتەجێبوون کە لەلایەن لیژنەی بەدواداچوون و دانانی نرخی خزمەتگوزاری پرۆژەکانی نیشتەجێبوون لە پارێزگای ھەولێر دیاریکراوە، پارێزگارى هەولێر تەئکیدى لە پابەندبوونى خاوەن پڕۆژە و کۆمپانیاکانى خزمەتگوزاریی یەکەکانى نیشتەجێبوون کردەوە بە بڕیارەکانی پارێزگای ھەولێر لە دیارییکردنی نرخی خزمەتگوزاری یەکە و شارەکانی نێشتەجێبوون و رایگەیاند، “هەر خاوەن پڕۆژەیەک، یان کۆمپانیایەکى خزمەتگوزاریی یەکەکانى نیشتەجێبوون پابەند نەبێت بەو نرخەى کە لەلایەن پارێزگاى هەولێرەوە دیاریکراوە بۆ خزمەتگوزاریی لە یەکە و شارە نیشتەجێبووەکان و سەرپێچى بکات، بەتوندترین شێوە ڕووبەڕووى سزایی یاسایی و پێبژردن دەبێتەوە”.
ئاماژە بەوەشکراوە، “جێگه‌ى باسه، لەپێناو بەرژەوەندى گشتیى و دەسبەرکردنى یەکسانى و دادپەروەرى لەنرخى خزمەتگوزارى یەکەکانى پڕۆژەکانى نیشتەجێبوون، لیژنەی بەدواداچوون و دانانی نرخی خزمەتگوزاری پرۆژەکان لە پارێزگای ھەولێر نرخی خزمەتگوزاری پڕۆژەکانى نیشتەجێبوونی دیاریکرد و لە لیستێکدا نرخی خزمەتگوزارییەکان بەگشتى ڕاگەیاند، دواى ماوەیەک لە پابەندن بوون، لە ئێستادا بەشێک لە کۆمپانیاکان بە بەهانەى جۆرا و جۆر دەستیانکردووە بەگرانکردنەوەى نرخى خزمەتگوزارییەکان لەسەر هاوڵاتییان و ئەمەش بەهیچ شێوەیەک ڕێگەى پێنادرێت”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
