پارێزگاری هەولێر رایگەیاند، بەشێک لە بەرزبوونەوەی نرخەکان پەیوەندیدارە بە بەرزبوونەوەی نرخ لەسەر ئاستی جیهان و لە دەسەڵاتی ئەواندا نییە، بەڵام ئەوی پەیوەندیدارە بە بازرگان و دوکاندارەکانە بە هیچ جۆرێک رێگەیان پێنادرێت نرخەکان بەرزبکەنەوە.
ئومێد خۆشناو پارێزگاری هەولێر رایگەیاند، لەسەر ئاستی جیهانی نرخەکان بەرزبوونەتەوە و ناتوانرێت رێگری لێ بکرێت و بەهۆی نزیکبوونەوەی نەورۆزەوە رەنگە هەوڵ هەبێت بۆ بەرزکردنەوەی نرخ بەڵام بە هیچ جۆرێک رێگەی پێ نادەین و نزیبوونەوەی رەمەزانیش هۆکارێکی دیکەیە بۆ بەرزکردنەوەی نرخی شمەک لە بازاڕەکاندا بەڵام بە هیچ جۆرێک رێگە بە بەرزبوونەوەی نرخەکان نادەین.
باسی لەوەشکردووە چەند بڕیاریێکیان لەبارەی سوتەمەنییەوە داوە و باسیان لەوەکردووە، هەر بەنزینخانەیەک ببێتە هۆکار بۆ دروستبوونی ئاستەنگ ئەوا هەوڵدەدەن شوێنەکەی بگڕۆن تا نەبێتە هۆکاری قەرەباڵغی.
ئاماژەی بەوەشکردووە، کە حەوت بەنزینخانە بە سیستەمی تاک و جوت دابین دەکەن بۆ ئۆتۆمبێلە تایبەتەکان و شەش بەنزینخانە بۆ تەکسییەکان و بانزینخانەیەک بۆ پاس و هۆکارەکانی دیکەی گواستنەوە و لە 24ی مانگەوە جێبەجێ دەکرێت.
لەبارەی نرخی نان و سەموونەوە باسی لەوەکرد، نرخەکان وەک پێشتر دەمێننەوە و هەشت نانی تاک بە هەزار دینار دەبێت و هەشت سەمونیش بە هەزار دینار دەبێت و هەوڵدەدەن ئارد و غاز بۆ نانەوانەکان دابین بکەن و داشکاندنی نرخی 20٪ی کارەبا بەردەوامی دەبێت.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
بەڕێوەبەرایەتی هاتووچۆی هەولێر شۆفێران ئاگاداردەکاتەوە
5
لەبارەی رادەستکردنەوەی بارەگای پارتی لە کەرکووک دادگای فیدراڵی بڕیاریدا
