پارتی: دەبێت دووبارە دادگای فیدڕاڵی دروستبکرێتەوە
  • TEBA KURDİ
  • رۆژەڤ
  • پارتی: دەبێت دووبارە دادگای فیدڕاڵی دروستبکرێتەوە

پارتی: دەبێت دووبارە دادگای فیدڕاڵی دروستبکرێتەوە

پارتی دیموكراتی كوردستان راگه‌یه‌ندراوی كۆتایی كۆبوونه‌وه‌ی ئه‌مڕۆی ئه‌نجوومه‌نی سه‌ركردایه‌تی حزبه‌كه‌ی بڵاوكرده‌وه‌.

كانونی دووه‌م 31, 2023 20:44
پارتی: دەبێت دووبارە دادگای فیدڕاڵی دروستبکرێتەوە
0

لایک

پارتی دیموكراتی كوردستان راگه‌یه‌ندراوی كۆتایی كۆبوونه‌وه‌ی ئه‌مڕۆی ئه‌نجوومه‌نی سه‌ركردایه‌تی حزبه‌كه‌ی بڵاوكرده‌وه‌.

ئەمڕۆ یەکشەممە، کۆبوونەوەی ئەنجومەنی سەرکردایەتی پارتی به‌ سه‌رپه‌رشتی مەسعود بارزانی، سەرۆکی حیزبەکە به‌ڕێوه‌چوو. لە راگەیەندراوەکە ته‌واوی بڕیار و راسپارده‌كانی كۆبوونه‌وه‌كه‌ له‌ شه‌ش ته‌وه‌ردا خراوەتەڕوو.

بەپێی راگەیەندراوی کۆبونەوەی ئەنجومەنی سەرکردایەتی پارتی،  گفتوگۆ له‌باره‌ی دۆخی عێراق كرا و باس له‌ كێشه‌ و گرفته‌كانی به‌رده‌م پێكهێنانی حكومه‌تی عێراق و هه‌وڵه‌كانی نه‌هێشتنی به‌ربه‌سته‌كان و شكاندنی چه‌قبه‌ستویی سیاسی كرا، كه‌ خۆی له‌ زنجیره‌یه‌ك دیدار و كۆبوونه‌وه‌ له‌گه‌ڵ لایه‌نه‌ په‌یوه‌ندیداره‌كان له‌ رۆژانی داهاتوودا ده‌بینێته‌وه‌.

ئاماژە بەوەشکراوە، “داكۆكی له‌ ته‌واوی مافه‌ ده‌ستوورییه‌كانی هه‌رێم و جێبه‌جێكردنی مادده‌ی 140 و دروستكردنی دامه‌زراوه‌ ده‌ستوورییه‌كان ده‌كه‌ین، له‌وانه‌ش: ئه‌نجومه‌نی فیدراڵ و دامه‌زراندنه‌وه‌ی دادگای فیدراڵ به‌گوێره‌ی ده‌ستوور و دانانی یاسای نه‌وت و غاز”.

هەروەها جەخت کراوەتەوە لەسەر ئەنجامدانی هەڵبژاردنی پەرلەمانی کوردستان لە وادەی خۆیدا و هەروەها پەرلەمان کارەکانی خۆی جێبەجێ بکات بە کاراکردنەوەی کۆمسیۆن.