وەزیری سامانە سروشتییەکانی هەرێم رایگەیاند، ئەو نەوتەی حکومەت بە 103 هەزار بە هاووڵاتیانی دەفرۆشێت، هاووڵاتی 34٪ـی ئەو نرخە دەدات و 65٪ـی نرخەکە حکومەت پاڵپشتی دەکات. دەشڵێت، ئەگەر هاووڵاتیان ئەو نرخەیان پێ گرانە دەتوانن وەرینەگرن.
کەمال محەمەد، وەزیری سامانە سروشتییەکان بە وەکالەت بە دەنگی ئەمریکای راگەیاند، حکومەت پاڵپشتی 65٪ـی نرخی نەوتی ماڵان دەکات و یەک بەرمیل بە 103 هەزار دینار دەداتە هاوڵاتیان.
ئاماژەی بەوەشداوە، حکومەتی هەرێم بڕی 70 ملیاری تەرخانکردووە بۆ کڕینی ئەو نەوتەی بەسەر هاوڵاتیاندا دابەشدەکرێت و نەوتەکەش بە سێ قۆناغ دابەشدەکرێت و دەشڵێت، ” لە قۆناغی یه‌كه‌مدا نەوت لە ناوچه شاخاوییه‌كان دابەشدەکرێت و دواتر دەورووبەری ئەو ناوچانە و دواتریش بۆ سەنتەری شارەکان.”
ئەوەشی خستەڕوو، یه‌ک ملیۆن و 257 هه‌زار خێزان لە هەرێم هەن و ئه‌و پاره‌یه‌ش كه دابین كراوه 70 ملیار دیناره بۆ قۆناغی یه‌كه‌م و ئەگەر حکومەت پاڵپستی نرخی نەوتی نەکردیە نرخی یەک بەرمیل نەوت 284 هەزار دینار دەبوو.
لەبارەی رەتکردنەوەی نەوتی حکومەت لە لایەن قائیمقامی پێنجوینەوە بەهۆی گرانی نرخەکەی کەمال محەمەد، وەزیری سامانەسروشتییەکان بە وەکالەت باسی لەوەکرد، “ئەوان هاوڵاتیان ناچار ناكه‌ن ئه‌و نه‌وته وه‌ربگرن و ئەگەر لایان گرانە ده‌توانن وەرینەگرن و چاوه‌ڕێی ئه‌وه‌ی به‌غداد بكه‌ن هه‌رزانتر بێت به‌ڵام ئێمه ئه‌و بڕه‌مان كڕیوه به‌و نرخه”.
وتیشی، “ئێمه له‌گه‌ڵ دوو كۆمپانیا گرێبه‌ستمان كردووه بۆ کڕینی نەوتی ماڵان و ئەو نەوتە لە له ده‌ره‌وه‌ی هەرێم دەهێنین جا له توركیا بێت یان له كوێت بێت، یان له هه‌ر جێگایه‌ک بێت ئه‌گه‌ر له بازاڕ بیكڕن نرخی نه‌وت له‌ناو بازاڕ له‌سه‌ر هاوڵاتیان زیاد ده‌بێت بۆیه ئێمه ئه‌و هه‌وڵه‌ماندا له‌ده‌ره‌وه‌ی هه‌رێمه‌وه بێته ناو هه‌رێم.”
ئەمەش داوای ئەوەدێت، حکومەتی هەرێم رایگەیاند، دەست بە دابەشکردنی نەوتی ماڵان دەکات و نرخی هەر بەرمیلێک نەوتیش 103 هەزار دینار دەبێت لە کاتێکدا لە ساڵانی پێشوو 40 بۆ 60 هەزار بووە و ئەمەش نارەزایەتی هاووڵاتیانی لێکەوتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
