فوئاد حوسێن، وەزیری دەرەوەی عێراق بۆ بەژداریکردن لە 57ـمین کۆبوونەوەی ئەنجومەنی کۆمکاری عەرەبی بە سەردانێک گەیشتە قاهیرەی پایتەختی میسر.
لە بەیاننامەیەکی وەزارەتی دەرەوەی عێراق هاتووە، “فوئاد حوسێن، وەزیری دەرەوەی عێراق بۆ بەشداریکردن لە 57ـمین کۆبوونەوەی ئەنجومەنی کۆمکاری عەرەبی لەسەر ئاستی ویزاری، گەیشتە قاهیرەی پایتەختی میسر”.
ئەوەش هاتووە، “لە کۆبوونەوەکەدا چەند پرسێکی گرنگ تاوتوێ دەکرێن، لەوانەش ئامادەبوون لە لوتکەی عەرەبی کە لە جەزائیر بەڕێوەدەچێت، دۆخی فەڵەستین، ئاساییبوونەوەی پەیوەندییەکان لەگەڵ ئیسرائیل و پەرەپێدانی پەیوەندی هەرێمی و نێودەوڵەتی”.
بڕیاریشە، وەزیری دەرەوەی عێراق لەگەڵ چەندین هاوتای وڵاتانی عەرەبی کۆبوونەوەی دووقۆڵی ئەنجامبدات و تاوتوێی بەرەوپێشچوون و بەرەنگاربوونەوەی هاوبەش لە کەرتە جیاجیاکان بکات.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
