وەزیری تەندروستی حکومەتی هەرێم رایدەگەیەنێت، تائێستا نزیکەی 20 تۆن دەرمان و پێداویستی پزیشکیان بۆ زیانلێکەوتووان بوومەلەرزەی تورکیا و سووریا رەوانە کردووە.
سامان بەرزنجی، وەزیری تەندروستی حکومەتی هەرێم لە کۆنفرانسێکی رۆژنامەوانیدا لەبارەی کۆمەک و هاوکاری هەرێم بۆ زیانلێکەوتووانی بوومەلەرزەی تورکیا و سووریا رایگەیاند، بە سەرپەرشتی پارێزگار و سەرپەرشتیارانی ئیدارە سەربەخۆکان هەڵمەتی کۆکردنەوە کۆمەک و هاوکاری بۆ زیانلێکەوتووانی بوومەلەرزەکە لە شارەکانی هەرێم هەڵمەتی کۆکردنەوەی کۆمەک و هاوکاری بەڕێوەدەچێت.
سامان بەرزنجی وتیشی، “وەزارەتی تەندروستی تورکیا لە رێگەی کونسوڵخانەی تورکیا لە هەرێمی کوردستان بە فەرمی داوای لێکردوین دەرمان و پێداویستی تەندروستی زیاتر پێشکەش بە وڵاتەکە بکەین، چونکە ژمارەیەکی زۆری هاووڵاتییانی تورکیا پێویستیان بە چارەسەری تەندروستی هەیە، لەسەر رەزامەندیی و راسپاردەی سەرۆکی حکومەتی هەرێمی کوردستان کە هەموو ئامادەییەکی بۆ هاوکاری پیشانداوە، وەکو وەزارەتی تەندروستی بەشدارین لە کۆکردنەوەی هاوکاری و کۆمەک بۆ زیانلێکەوتووانی بوومەلەرزەکە”.
ئەوەشی خستەڕوو، “تائێستا نزیکەی 20 تۆن دەرمان و پێداویستی پزیشکیمان بۆ زیانلێکەوتووانی بوومەلەرزە رەوانە کردووە، هاوکات دەزگای خێرخوازی بارزانی پێداویستی زۆری پزیشکی رەوانە کردووە و بەشێکی دیکەشی ئامادە کردووە”.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
4
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
