وێستگه‌ی ئه‌تۆمی زاپۆرۆژیا بە تەواوی لەکارکەوت
  • TEBA KURDİ
  • جیهان
  • وێستگه‌ی ئه‌تۆمی زاپۆرۆژیا بە تەواوی لەکارکەوت

وێستگه‌ی ئه‌تۆمی زاپۆرۆژیا بە تەواوی لەکارکەوت

كانونی دووه‌م 31, 2023 20:42
وێستگه‌ی ئه‌تۆمی زاپۆرۆژیا بە تەواوی لەکارکەوت
0

لایک

به‌هۆی بۆردوومانه‌كانی سوپای ئۆكرانیا، دوا یه‌كه‌ی كاره‌بای وێستگه‌ی ئه‌تۆمی زاپۆرۆژیا له‌ كاركه‌وت.

ڤلادێمیر رۆگۆڤ، به‌رپرس له‌ وێستگه‌ی ئه‌تۆمی زاپۆرۆژیا رایگه‌یاند، شەوی رابردوو کارکردنی یەکەی کارەبای ژمارە ٦ی وێستگەی ئەتۆمی زاپۆرۆژیا کە دوا یەکەی کارەبا بوو تا ئێستا لە وێستگەکەدا كاریده‌كرد، له‌كاركه‌وت.

رۆگۆڤ، ئەندامی ئیدارەی هەرێمی زاپۆرۆژیا و سەرۆکی بزووتنەوەی “ئێمە لەگەڵ رووسیاین”، ئەمڕۆ یەکشەممە 11ـی ئه‌یلوولی 2022، لە بەیاننامەیەکدا ئاماژەی بەوەکرد، لە ماوەی چەند رۆژی رابردوودا، تاکە یەکەی کارەبای ژمارە ٦ له‌ وێستگەی ئەتۆمی زاپۆرۆژیا کاری دەکرد، لە کاتژمێر 03:45ـی به‌یانی ئه‌مڕۆ له‌كاركه‌وت و کوژایەوە، به‌وهۆیه‌وه‌ش لە ئێستادا کارەبا بەرهەم ناهێندرێت.

هاوکات، ئەلێکساندەر ڤۆلگا، بەرپرسی ئیدارەی شاری ئێنێرگۆدار نزیک له‌ وێستگەی ئەتۆمی زاپۆرۆژیا، دووپاتیکردەوە وەک هەمیشە وزە بۆ شارەکە دابین دەکرێت، سەرەڕای ئەوەی یەکەی کارەبای ژمارە ٦ لە وێستگەکەدا کوژاوەتەوە .

رۆژی هەیینی 9ـی ئه‌یلوولی 2022، رافایل گرۆسی، بەڕێوەبەری ئاژانسی نێودەوڵەتی وزەی ئەتۆمی، داوای راگرتنی دەستبەجێی بۆردوومانەکانی ناوچەی وێستگەی ئەتۆمی زاپۆرۆژیای کرد، بە لەبەرچاوگرتنی دۆخی نالەباری دابینکردنی کارەبای وێستگەکە.