ئومێد خۆشناو، پارێزگارى هەولێر (ئەربیل) لەدیوانى پارێزگا، پێشوازى کرد لە ستار الجابرى، بریکاری وەزارەتی بازرگانی عێراق بۆکاروباری ئیداری و شاندێکى یاوەرى.
لە کۆبوونەوەکەدا، بەمەبەستى خزمەتکردنی زیاترى هاووڵاتیان جەخت لە بەهێزکردنی پەیوەندییەکانی نێوان هەردوولا کرایەوە، هەروەها لەبارەی فۆڕمی خۆراک و بەشە خۆراکی مانگانەی هاووڵاتیان باس لە کارئاسانی کرا لە ڕێگەی تیمێکی شارەزا، پاشان تەئکید لە پێدانی شایستە داراییەکانی جوتیاران و دابینکردنی سەبەتەی خۆراک بۆ هاوڵاتیانی هەرێمی کوردستان کرایەوە.
لەو بارەیەشەوە بریکاری وەزارەتی بازرگانی عێراق بۆکاروباری ئیداری وێڕاى ئەوەى دڵنیاییدا لەبەردوام بوونی پێدانی شایستەداراییەکانی جوتیاران، وتیشی “وەک هاوڵاتیانی سەرجەم پارێزگاکانی تری عێراق، سەبەتەی خۆراک بەسەر هاوڵاتیانی پارێزگاى هەولێر و پارێزگاکانى ترى هەرێمی کوردستان دابەشبکەین”.
لەتەوەرێکى ترى کۆبوونەوەکەدا، پرسى ئاسایشی خۆراک و چەند بابەتێکى ترى گرنگ و پەیوەست بە پێداویستییەکانى هاووڵاتییان تاوتوێکران.
لەلایەن خۆیەوە پارێزگارى هەولێر (ئەربیل)، پیرۆزبایی لە ستار الجابرى کرد، بەبۆنەى دەستبەکاربوونى وەک بریکاری وەزارەتی بازرگانی عێراق بۆکاروباری ئیداری و هیواى سەرکەوتنى بۆخواست و ئاماژەی بە وەدا کە هاوکاری و هەماهەنگی نێوانمان دەتوانێت دەرەنجامی باشی هەبێ بۆ خزمەتکردنی هاوڵاتیان و راشیگەیاند “وەکو پارێزگاى هەولێر، ئامادەین هەموو هاوکارى و ئاسانکارییەکتان پێشکەش بکەین لەپێناو خزمەتکردنى زیاترى هاوڵاتییان سنووری پارێزگاکەمان”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
