وه‌زاره‌تی بازرگانی بۆ هاووڵاتیان: بڕێكی زۆر رۆن له‌ كۆگاكاندا هه‌یه‌ و نیگه‌ران مه‌بن
  • TEBA KURDİ
  • رۆژەڤ
  • وه‌زاره‌تی بازرگانی بۆ هاووڵاتیان: بڕێكی زۆر رۆن له‌ كۆگاكاندا هه‌یه‌ و نیگه‌ران مه‌بن

وه‌زاره‌تی بازرگانی بۆ هاووڵاتیان: بڕێكی زۆر رۆن له‌ كۆگاكاندا هه‌یه‌ و نیگه‌ران مه‌بن

وه‌زاره‌تی بازرگانی و پیشه‌سازی حكومه‌تی هه‌رێم له‌په‌یامێكدا بۆ هاووڵاتیان له‌باره‌ی گرانی نرخی رۆنی زەیت له‌بازاڕه‌كان رایگه‌یاند، بڕێكی زۆر رۆنی زەیت له‌ كۆگاكان هه‌یه‌ و پێویست ناكات هاووڵاتیان نیگه‌ران بن، هه‌ر ئه‌مڕۆش 14 ترێله‌ رۆن گه‌یشتونه‌ته‌ كۆگاكانی هه‌ولێر.

كانونی دووه‌م 31, 2023 20:45
وه‌زاره‌تی بازرگانی بۆ هاووڵاتیان: بڕێكی زۆر رۆن له‌ كۆگاكاندا هه‌یه‌ و نیگه‌ران مه‌بن
0

لایک

وه‌زاره‌تی بازرگانی و پیشه‌سازی حكومه‌تی هه‌رێم له‌په‌یامێكدا بۆ هاووڵاتیان له‌باره‌ی گرانی نرخی رۆنی زەیت له‌بازاڕه‌كان رایگه‌یاند، بڕێكی زۆر رۆنی زەیت له‌ كۆگاكان هه‌یه‌ و پێویست ناكات هاووڵاتیان نیگه‌ران بن، هه‌ر ئه‌مڕۆش 14 ترێله‌ رۆن گه‌یشتونه‌ته‌ كۆگاكانی هه‌ولێر.

وه‌زاره‌تی بازرگانی و پیشه‌سازی حكومه‌تی هه‌رێم له‌ڕاگه‌یه‌ندراوێكدا بڵاویكرده‌وه‌، به‌وته‌ی به‌ڕێوه‌به‌رایه‌تی دابه‌شكردنی كه‌لووپه‌لی خۆراكی هه‌ولێر، ئه‌مڕۆ بڕی 500 ته‌ن زه‌یتی توركی له‌ڕێگه‌ی 14 ترێله‌ گه‌یشتنه‌ كۆگاكانمان و ڕاسته‌وخۆ ده‌ست به‌ دابه‌شكردن كرا.

هه‌ر به‌گوێره‌ی راگه‌یه‌ندراوه‌كه‌، له‌ شاری سلێمانی دوای به‌دواداچوونی لیژنه‌كانی به‌ڕێوه‌به‌رایه‌تی چاودێری بازرگانی سلێمانی بۆ كۆگاكانی هه‌ڵگرتنی ڕۆن و (زه‌یت) ڕۆنی شل له‌ شاری سلێمانی هاووڵاتیانی شاری سلێمانی دڵنیا ده‌كاته‌وه‌ و پێویست ناكات نیگه‌ران بن كه‌ له‌ شاری سلێمانی بڕی پێویست ڕۆن و (زه‌یت) ڕۆنی شل له‌كۆگاكان هه‌یه‌، لیژنه‌كانیش ڕۆژانه‌ سه‌ردانی به‌رده‌وامیان بۆ سه‌رجه‌م كۆگاكان هه‌یه‌ و به‌دواداچون بۆ چاودێری كردنی رێژه‌ی خۆراك و ڕۆن له‌ كۆگاكاندا.

ئه‌وه‌ش له‌كاتێكدایه‌ ماوه‌ی سێ رۆژه‌ نرخی یه‌ک لیتر رۆنی شل له‌ هه‌زار و 250 دیناره‌وه‌ بۆ سه‌روی پێنج هه‌زار دینار به‌رزبووه‌ته‌وه‌، به‌رپرسانیش هۆكاره‌كه‌ی بۆ شه‌ڕی نێوان رووسیا و ئۆكرانیا ده‌گه‌ڕێننه‌وه‌.