هەولێر.. 14 پرۆژەی خزمەتگوزاری جێبەجێ دەكرێن

هەولێر.. 14 پرۆژەی خزمەتگوزاری جێبەجێ دەكرێن

كانونی دووه‌م 31, 2023 20:40
هەولێر.. 14 پرۆژەی خزمەتگوزاری جێبەجێ دەكرێن
0

لایک

 له‌سه‌نته‌ر و ده‌وروبه‌ری پارێزگای هه‌ولێر 14 پڕۆژه‌ی خزمه‌تگوزاری جێ به‌جێده‌كرێن. 


ئه‌مڕۆ یه‌كشه‌ممه‌18ى12ى2022  وه‌زاره‌تی شاره‌وانی و گه‌شت و گوزار بڵاویكرده‌وه‌، ساسان عەونی، وەزیری شارەوانی و گەشتوگوزار بەپێی چەند فەرمانێكی وەزاری، ڕەزامەندی دا لەسەر خەرجكردنی گوژمەی (502,934,000) دینار، بۆ جێبەجێكردنی 14 پرۆژەی خزمەتگوزاری لە بواری پەرەپێدانی تۆڕی ئاو و ئاوەڕۆ لەگەڵ سێكتەری شارەوانی لە سنووری شاری هەولێر و دەوروبەری، گومەی پرۆژەكانیش لەسەر داهاتی سەرۆكایەتیی شارەوانیی هەولێر و بەڕێوەبەرایەتیی ئاو و ئاوەڕۆی هەولێرە و بەپێی پلانی ساڵی 2022 خەرج دەكرێت.

وه‌زاره‌تی شاره‌وانی ئاماژه‌ی به‌وه‌شكردووه‌، بەشێكی پرۆژەكان پێكهاتوون لە نۆژەنكردنەوەی شەقام و دروستكردنی كابینە لە پرۆژەی ئیفراز3 و دروستكردنی ئاوەڕۆی لوولەیی لە گەڕەكی ڕۆشنبیری، گۆڕینی تۆڕی ئاو لە گەڕەكی 92/ بەرانبەر پاركی قوتابیان و دانانی تۆڕی ئاو و بەستانی لەگەڵ بیر لە باغمرە شەهاب لە دارەتوو، درێژكردنەوەی تۆڕی ئاو لە گەڕەكی بەختیاری و گەڕەكی كوێستان و درێژكردنەوەی تۆڕی ئاو بۆ بیرەكانی هاوكاری و زیلان، قیڕتاوكردنی چەند شەقامێك لە كەسنەزان و نۆژەنكردنەوەی شەقام لە ناوچەی پیشەسازی باكوور، لەگەڵ گۆڕین و دابەزینی تۆڕی لە دارەتوو و دروستكردنی ئاوەڕۆی لوولەیی لە گەڕەكی 5ی حەسارۆك، لەگەڵ چەند پرۆژەیەكی دیكەی خزمەتگوزاری.