هێڵی ئاسمانی عێراقی بۆ ئەم چینانە داشکاندن لە نرخی پلیتی فڕۆکە دەکات
  • TEBA KURDİ
  • عێراق
  • هێڵی ئاسمانی عێراقی بۆ ئەم چینانە داشکاندن لە نرخی پلیتی فڕۆکە دەکات

هێڵی ئاسمانی عێراقی بۆ ئەم چینانە داشکاندن لە نرخی پلیتی فڕۆکە دەکات

شوبات 28, 2023 08:17
هێڵی ئاسمانی عێراقی بۆ ئەم چینانە داشکاندن لە نرخی پلیتی فڕۆکە دەکات
0

لایک

وەزارەتی گواستنەوەی عێراق رایگەیاند، سەرجەم خانەنشینان و خاوەن پێداویستی تایبەت و تووشبووانی نەخۆشی شێرپەنجە لەڕێگەی هێڵی ئاسمانی عێراقییەوە گەشت بکەن، بەڕێژەی جیاجیا داشکاندن لەنرخی بلیتی هاتن و رۆیشتن بۆ دەکرێت.

بەگوێرەی راگەیەندراوێکی وەزارەتی گواستنەوەی عێراق، کۆمپانیای گشتی بۆ هێڵی ئاسمانی عێراقی پابەند دەبێت بەبڕیاری داشکاندن بۆ خانەنشینان بەڕێژەی 25% لە نرخی بلیتی هاتن و رۆیشتن تەنها بۆ یەکجار لەماوەی ساڵێکدا ئەمەش لە چوارچێوەی پاکێجێکی رێوشوێنی رێکخراوەییە کە لەلایەن محەمەد شیاع سوودانی، سەرۆکوەزیرانەوە دەرچووە.

ئەوەش هاتووە، ” هێڵی ئاسمانی عێراقی کاردەکات بۆئەوەی بڕیاری داشکاندنی نرخی بلیتەکان ژمارەیەک چین و توێژی دیکەش بگرێتەوە، لەو چوارچێوەیەشدا هەموو تووشبووانی نەخۆشی شێرپەنجە بەڕێژەی 90% داشکاندنیان بۆ دەکرێت‌، هەروەها خاوەن پێداویستیە تایبەتەکانیش بەڕێژەی 50% داشکاندنیان بۆ دەکرێت ئەگەر هێڵی ئاسمانی عێراقی بەکاربهێنن”.

ئەوەشی ئاشکراکردووە، “هێڵی ئاسمانی عێراقی بێ بەرامبەر کاردەکات بۆ گەڕانەوەی تەرمی ئەو هاووڵاتیە عێراقیانەی کە لەدەرەوەی وڵات گیانیان لەدەستداوە”.

En az 10 karakter gerekli