هۆكارەكانی بەردەوام هەستكردن بە برسێتی..

0

لایک

0

که‌سانێک هه‌ن به‌ به‌رده‌وامی برسیانه‌ و هه‌ست به‌ تێر بوون ناکه‌ن؛ دوای نان خواردن به‌ ماوه‌یه‌کی کورت دووباره‌ برسیان ده‌بێته‌وه‌ و هه‌میشه‌ حه‌زیان له‌ خواردنه‌، پسپۆڕێکی زانستی خۆراک، هۆكار و چارەسەری بۆ ئەم حاڵەتە بڵاوكردوەتەوە.

هۆکاره‌کانی:

1. ئالودە بوون بە خواردن.
2. جۆری خواردنی ناتەندروست و شێوازی هه‌ڵه‌ی خواردن.
3. ریجێمی ناته‌ندروست و به‌کارهێنانی ده‌رمانی دابه‌زاندنی کێشی هه‌ڵه‌ و بێ سه‌رپه‌رشتی پزیشک.
4. نه‌خوارنه‌وه‌ی بڕی پێویست له‌ ئاو.
5. خواردنی بڕێی زۆر له‌ شیرینی.
6. زۆر خواردنی شتی سوێر و خوێی چێشت.
7. که‌م خه‌ویی و شه‌ونخونی.
8. دڵه‌ڕاوکێ و قه‌له‌قی و خه‌مۆکی.
9. به‌کارهێنانی هه‌ندێک ده‌رمانی دژه‌خه‌مۆی و به‌رده‌وام وه‌رگرتنی ته‌واوکه‌ره‌ خۆراکیه‌کان.

کۆمه‌ڵێک رێنمیایی بۆ که‌مکردنه‌وه‌ی ئارەزوی خواردن:

1. خواردنی بڕی زیاتر له‌:

• مادده‌ پڕۆتینه‌کان: پڕۆتینی ڕوه‌کی وه‌ک پاقله‌مه‌نیه‌کان، هێلکه‌، شیره‌مه‌نی، گۆشتی بێ چه‌وری.
• چه‌وریه‌ به‌ سوده‌کان: گوێز، چه‌ره‌س، ئۆڤۆكادۆ، ماسی سه‌لمون، زه‌یتی زه‌یتون.

1. خواردنی بڕێکی زۆر له‌ مادده‌ ڕیشاڵیه‌کان، گرنگترین سه‌رچاوه‌کان؛ سه‌وزه‌، میوه‌، پاقله‌مه‌نیه‌کان، دانه‌وێڵه‌ ته‌واوه‌کان وه‌ک ئاردی بۆر و گه‌نمه‌شامی کوڵاو، باده‌م، چواله‌ی سه‌وز.
2. خوارنه‌وه‌ی بڕی پێویست له‌ ئاو به‌تایبه‌ت دو په‌رداخ نیو سه‌عات پێش ژه‌مه‌کان.
3. سەرنجکردن له‌ سه‌ر خواردن: واته‌ ته‌رخان کردنی کاتی نان خواردن ته‌نها بۆ خواردن؛ نه‌وه‌ک خواردن به‌ دیار تیڤی و مۆبایڵ و تۆڕه‌ کۆمه‌ڵاتیه‌کان و ئینته‌رنێت،
4. هه‌ڵبژاردنی ڕێجیمی گونجاو و پشت گوێ نه‌خستنی یه‌کێک له‌ ژه‌مه‌کان به‌ تایبه‌ت ژه‌می به‌یانی.
5. وه‌رزش کردن به‌ تایبه‌ت وه‌رزشی قورس بۆ ماوه‌ی زیاتر له‌ كاتژمێرێک ڕۆژانه‌.