وەزیری كشتوكاڵی هەرێم ئاشكرایدەكات، دوابەدوای پەیوەندییان لەگەڵ وەزیری كشتوكاڵی عێراقدا بڕیاردرا بە قەدەغەکردنی هاوردەکردنی بەرهەمی تەماتە و خەیار لە مەرزەکان.
بەپێی راگەیەندراوێكی وەزارەتی كشتوكاڵی هەرێم، لەپێناو پاڵپشتیکردنی راستەوخۆی جوتیارانی هەرێم بۆ ساغکردنەوەی بەرهەمی خۆماڵیی( تەماتە و خەیار) و هەناردەکردنی بۆ بازاڕەکانی ناوەڕاست و خوارووی عێراق هاوردەكردنیان قەدەغەكراوە.
هاوكات بێگەرد تاڵەبانی، لە هەژماری خۆی لە تۆڕی كۆمەڵایەتیی فەیسبووک بڵاویكردووەتەوە، “بەسوپاسەوە ئەم کێشەیە چارەسەر کرا، بەهەماهەنگی و بڕیاری ئەنجومەنی وەزیران و وەزارەتی کشتوکاڵی عێراق”.
دەشڵێت، “زۆر سوپاسی وەزیری کشتوکاڵی عێراق دەکەم، کە ئەمڕۆ وەڵامیان دایەوە و داواکاریی و پێشنیاری ئێمەیان لەم بارەیەوە پەسندکرد”.
ئەوەش لەكاتێكدایە، ئەمڕۆ بەشێک لە جوتیارانی سلێمانی بەرامبەر هەرزانی و ساخنەبوونەوەی بەرهەمەکانیان، تەماتە و خەیارەکانیان فڕێدایە سەر شەقامەكان.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
