نەخۆشخانەیەکی دیکەی لەدایکبوون لە هەولێر کرایەوە

0

لایک

0

پارێزگای هه‌ولێر(ئەربیل) رایگەیاند، لە هەولێر نه‌خۆشخانه‌یه‌كی دیكه‌ی حكومی له‌دایكبوون كرایه‌وه‌.

ئه‌مڕۆ هه‌ینی 03ـی شوباتی 2023، پارێزگای هه‌ولێر راگه‌یه‌ندراوێكی بڵاوكرده‌وه‌ و تیایدا هاتووه‌، “لە هەولێر نه‌خۆشخانه‌یه‌كی دیكه‌ی حكومی بۆ له‌دایكبوون و منداڵان، به‌ نوێترین ئامێری ته‌كنه‌لۆژیای پزیشكی كرایه‌وه”.

ئاماژه‌ به‌وه‌شكراوه‌، ئه‌و نه‌خۆشخانه‌یه‌ ده‌توانێت‌ رۆژانە له‌ رێگه‌ی 220 کارمەند و پێشکەوتووترین ئامێرە پزیشکییەکان، خزمەتگوزاریی تەندروستیی خۆڕایی پێشکەش بە هاووڵاتییان بكات.

نه‌خۆشخانه‌كه‌، ده‌كه‌وێته‌ ناحییه‌ی به‌حركه‌، كه‌ شوێنی پێشتری نەخۆشخانەی ئیماراتی بوو بۆ چارەسەری په‌تای کۆرۆنا.