نیوزلەندا.. جگەرەکێشان بە یاسا لە نەوەی داهاتوو قەدەغە دەکرێت
  • TEBA KURDİ
  • جیهان
  • نیوزلەندا.. جگەرەکێشان بە یاسا لە نەوەی داهاتوو قەدەغە دەکرێت

نیوزلەندا.. جگەرەکێشان بە یاسا لە نەوەی داهاتوو قەدەغە دەکرێت

كانونی دووه‌م 31, 2023 20:40
نیوزلەندا.. جگەرەکێشان بە یاسا لە نەوەی داهاتوو قەدەغە دەکرێت
0

لایک

بەپێی یاسایەکی نوێی نیوزلەندا، تووتن یان جگەرە نابێت بەو کەسانە بفرۆشریت کە لەدوای 1ی کانوونی دووەمی 2009ـەوە لەدایکبوون.

بە گوێرەی هەواڵێکی رۆژنامەی “زە گاردیەن”، یاساکە بە 76 دەنگی بەڵێ لەبەرامبەر 43 دەنگی نەخێر پەسەندکرا.

ئەمەش مانای ئەوە دەگەیەنێت کە لە داهاتوودا ئەگەر کەسێک بیەوێت جگەرە بکڕێت ئەوا پێویستە ناسنامەی خۆی پیشان بدات بۆئەوەی تەمەنی بزانرێت.

لە رێگەی ئەم یاسایەوە، دەسەڵاتدارانی ئەم وڵاتە هەوڵ دەدەن خەڵکی وڵاتەکەیان لە بەکارهێنانی جگەرە دووربخەنەوە بەڵام دژبەرانی یاساکە دەڵێن ئێستا کێشانی نێرگەلە لە وڵاتەکەیان زۆر بەرفراوانترە لە جگەرە.

بەپێی داتاکانی رێکخراوی تەندروستی جیهانیی، ساڵانە حەوت ملیۆن کەس لە جیهان بەهۆی جگەرەکێشان گیان لەدەستدەدەن، 80%ی جگەرەکێشانیش کە ژمارەیان یەک ملیار و 100 ملیۆن کەسە، لە ناوچە هەژارنشین یان مام ناوەندەکان دەژین.