بەرزبوونەوەی نرخی نەوت بەشێوەیەکی سەرەکی پەیوەندی بە کرانەوەی شەنگەهای چینەوە هەیە، ئەوەش دوای ئەوەی بۆ سێ رۆژی لەسەر یەکە ژمارەی تووشبووانی کۆرۆنا لە چین کەمبوونەوەی بەخۆوە بینیوە.
ئەمڕۆ چوارشەممە 18-05-2022، لەگەڵ کرانەوەی بازاڕی وزە، هەر بەرمیلێک نەوتی خاوی برێنت بە 112 دۆلارو 69 سەنت و بەرمیلێک نەوتی خاوی تێکساس بە 110 دۆلارو 85 سەنت مامەڵەی پێکراوە.
هاوکات زێڕیش دابەزینێکی بەرچاوی تۆمارکرد و هەر ئۆنسەیەک بە 1806 دۆلار مامەڵەی پێوەکراوە.
