نرخی نەوت لەجیهاندا بەرزبووەوە و نرخی نەوتی برێنت بە 111.70 دۆلار مامەڵەی پێوەدەکرێت.
ئەمڕۆ بەهای نەوت لەبازارەکانی جیهان بەرزبونەوەی بەخۆیەوە بینی، بەجۆرێک نرخی بەرمیلێک نەوتی برێنت 3% بەرزبووەوە و بە 111.70 دۆلار مامەڵەی پێوە دەکرێت. نه‌وتی خاوی تێكساسیش بە 106.95 دۆلار مامەڵەی پێوە دەکرێت.
هۆکاری بەرزبوونەوەی بەهای نەوت بۆ کەمبوونەوەی نەوت و بەنزین لە کۆگاکانی ئەمریکا دەگەڕێتەوە.
لە لایەکی دیکەوە لەئێستادا وڵاتانی ئەوروپا هەوڵەکانیان چڕکردووەتەوە بۆ ئەوەی چیتر نەوت و گازی رووسیا نەکڕن، ئەوەش وایکردوە بەهای نەوت لەماوەی هەفتەی رابردوودا بەبەردەوامی بەرزببێتەوە.
