ئەمڕۆ پێنجشەممە نرخی بەنزین لە هەموو بەنزیخانەکانی سلێمانی لیتری 50 دینار دادەبەزێنرێت، وتەبێژی بەنزینخانەکانیش رایدەگەیەنێت، هۆکاری بڕیارەکەیان بەهۆی ئەوەیە کە دابەشکردنی بەنزینی حکومی کاریگەری کردوەتەسەر کاری بەنزینخانە بازرگانییەکان، بۆیە بڕیارەکە بۆ هاوکاری هاووڵاتیان و جووڵەیەکیشە بۆ بەنزینی بازرگانی.
بەهمەن قادر، وتەبێژی بەنزینخانەکانی سلێمانی بە میدیاکانی راگەیاند، لە کاتژمێر 4:00ی ئێوارەی ئەمڕۆ پێنجشەممەوە هەموو جۆرەکانی بەنزین لە سلێمانی لیتری 50 دینار دادەبەزێت.
ئاماژەی بەوەشکرد، دابەشکردنی هەردوو جۆر بەنزینی 800 دینار و 690 دیناری لەلایەن حکومەتی هەرێمەوە، کاریگەری کردووەتەسەر بەنزینخانە بازرگانییەکان و بڕیارەکەش بۆ هاوکاری هاووڵاتیان و دروستکردنی جووڵەیە بۆ بەنزینخانە بازرگانییەکان.
وتەبێژی بەنزینخانەکانی سلێمانی راشیدەگەیەنێت، ئەو بەنزینەی ئێستا لەرێگەی بازرگانییەوە هاوردەی هەرێم دەکرێت کوالێتییەکی باشی هەیە و بە بەردەوامیش لەلایەن لێژنەکانی چاودێری نرخ و کوالێتیی بەنزینەوە چاودێری دەکرێت.
