دوای ئەوەی بەرەبەیانی ئەمڕۆ بە کاتی هەولێر(ئەربیل)، هەڵبژاردەی ئەرژەنتین لەرێگەی لێدانی یەکلاکەرەوەوە 3 گۆڵ بەرامبەر بە 2 گۆڵ لە کۆڵۆمبیای بردەوە، خۆی گەیاندە یاری کۆتایی جامی کوپا ئەمریکا.
بەم جۆرەش ئەرژەنتین لە یاری کۆتایی جامەکەدا رووبەڕووی گەورەترین رکابەری دەبێتەوە کە ئەویش بەڕازیلی هەڵگری دوایین نازناوی جامەکەیە.
شایەنی باسە بەرازیل بە ئەنجامی یەک گۆڵی بێ بەرامبەر بەسەر پیرۆدا سەرکەوت و خۆی گەیاندە یاری کۆتایی کوپا ئەمریکا.
ئەم یارییە یەکەم رووبەڕووبوونەوەی ئەرژەنتین و بەرازیل دەبێت لە یاری کۆتایی لە دوای یاری کۆتایی کوپا ئەمریکا 2007 کە بەرازیل بە 3 گۆڵی بێ بەرامبەر جامەکەی بەدەست هێنا.
