مستەفا کازمی و مەسعود بارزانی تاوتوێی هێرشە مووشەکییەی سەر قەزای خەبات دەکەن
  • TEBA KURDİ
  • رۆژەڤ
  • مستەفا کازمی و مەسعود بارزانی تاوتوێی هێرشە مووشەکییەی سەر قەزای خەبات دەکەن

مستەفا کازمی و مەسعود بارزانی تاوتوێی هێرشە مووشەکییەی سەر قەزای خەبات دەکەن

مستەفا کازمی و مەسعود بارزانی تاوتوێی هێرشە مووشەکییەی سەر قەزای خەبات دەکەن

كانونی دووه‌م 31, 2023 20:44
مستەفا کازمی و مەسعود بارزانی تاوتوێی هێرشە مووشەکییەی سەر قەزای خەبات دەکەن
0

لایک

مستەفا کازمی، سەرۆکوەزیرانی عێراق و مەسعود بارزانی، سەرۆکی پارتی دیموکراتی کوردستان، تاوتوێی دوایین پێشهاتەکانی رەوشی عێراق و ئەو هێرشە مووشەکییەیان کرد کە ئێوارەی رۆژی یەکشەممە کرایە سەر قەزای خەبات سەربە پارێزگای هەولێر.
نووسینگەی راگەیاندنی سەرۆکوەزیرانی عێراق بڵاوی کردەوە، مستەفا کازمی و مەسعود بارزانی پەیوەندییەکی تەلەفۆنییان ئەنجامدا و لە میانیدا پیرۆزبایی هاتنەوەی جەژنی رەمەزانیان لە یەکتر کردووە.
لە راگەیەندراوەکەدا ئاماژە بەوەشدراوە کە هەر لە میانی پەیوەندییەکەدا، مستەفا کازمی هیوای خواستووە گەلی عێراق لە هەموو شوێنێکی وڵاتدا بە هێز و سەرکەوتووانە بەسەر ئاڵنگارییەکاندا زاڵ بن، و نزای بەردەوامی سەقامگیریی و ئاسایشی لە سەرانسەری هەرێمی کوردستان و گەلی کورد و گشت خاکی عێراق بە چیا و دەشتەکانی و سەرجەم پێکهاتەکانی کردووە.
لە بەشێکی دیکەی پەیوەندییەکەدا باس لە بارودۆخی ئەمنی و بەئامانجگرتنی یەکێک پاڵاوگەکەکان لەلایەن گرووپە تیرۆریستی و تاوانکارەکان لە قەزای خەبات سەر بەپارێزگای هەولێر کراوە.
لەمبارەیەوە سەرۆکوەزیرانی عێراق جەختی لەسەر ئەوە کردووەتەوە کە “هێزە چەکدارە قارەمانەکانمان بەدوای ئەنجامدەرانی ئەو هێرشە ترسنۆکانەیەدا دەکەون و گەلی عێراقمان لە هەموو شوێنێک بە یەکڕیزی و بە هێز و سووربوون بۆ تێکشکاندنی تیرۆر و چەسپاندنی یاسا بەهێزتر دەبن”.
پێشتر شانەی راگەیاندنی ئەمنیی سەربە نووسینگەی فەرماندەی گشتیی هێزە چەکدارەکانی عێراق رایگەیاند، چەتەکانی تیرۆر و تاوان، پاڵاوگەی کۆمپانیای کار-یان لە ناحییەی کەورگۆسک سەربە قەزای خەبات سەر بە پارێزگای هەولێر بە مووشەک کردووەتە ئامانج.
هەروەها هەریەک لە دەزگای دژە تیرۆر، وەزارەتی پێشمەرگە و ئەنجوومەنی ئاسایشی هەرێمی کوردستان لە سێ راگەیەندراوی جیادا رایانگەیاندبوو کە، شەش مووشەک لە نزیک زێی بادینان لە سنووری قەزای خەبات کەوتوونەتە خوارەوە.