فەرمانگەی میدیا و زانیاری بڵاویکردەوە، بەهۆی رووداوەکانی تەقینەوەی سیستمی غازەوە لەم دواییانە لە سلێمانی و دهۆک، هیچ مەراسیمێک بۆ سەری ساڵ ئەنجامنادرێت و ماتەمینی دەبێت.
ئەمڕۆ پێنج شەممە، فەرمانگەی میدیا و زانیاری سەر بە حکومەتی هەرێم بڵاویکردەوە، کە هیچ بۆنەیەکی فەرمی بەڕێوەناچێت لەبەر رووداوەکانی تەقینی غاز لە هەردوو شاری سلێمانی و دهۆک، هەولێریش درێژە بە ماتەمینی ئەو دوو شارە دەدات.
هەر لە بڵاوکراوەکەدا هاتووە، تەنها شارەکان دەڕازێندرێتەوە و خەڵکی دەتوانن خۆشی وەربگرن.
لەلایەکی دیکەوە، سەبارەت بە هاتنی گەشتیاران ئاماژەی بەوەدراوە، لە رۆژانی سەری ساڵدا دەزگای ئاسایش و پۆلیس و هاتوچۆ و تەواوی رێوشوێنە ئەمنییەکان دەگرنەبەر و ئامادە دەبن بۆ پێشوازیکردن لە گەشتیاران و پاراستنی ئاسایشی کوردستان.
بەپێی ئاماری دەستەی گەشتوگوزاری هەرێم، ساڵی 2021 ژمارەی گەشتیاران چوار ملیۆن و 189 هەزار گه‌شتیار بووە و راشیانگەیاندووە، لە پلانیاندا هەیە ئەو رێژەیە بەرزبکەنەوە و ژمارەی گەشتیاران بگەیەننە شەش ملیۆن.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
