پارێزگای بەغداد رایگەیاند، سبەی پێنجشەممە بەهۆی بەرزبوونەوەی پلەکانی گەرماوە لە سەرجەم دامودەزگاکانی حکومەت پشووی فەرمی دەبێت.
لەراگەیەندراوێکدا هاتووە، “محەمەد ئەلعەتا، پارێزگاری بەغداد نووسراوێکی ئاراستەکردووە و رایگەیاندووە کە دەوامی فەرمی بۆ سبەی لەسەرجەم دامودەزگاکانی حکومەت پشوو دەبێت و هۆکارەکەشی بۆ بەرزبوونەوەی پلەکانی گەرما دەگەڕێتەوە”.
هاوکات لەراگەیەندراوەکەدا باس لەوەس کراوە کە سەرەڕای راگەیاندنی پشووی فەرمی، بەڕێوەچوونی ئەزموونەکان بەردەوام دەبێت.
بەر لە بەغداد، هەریەکە لە پارێزگاکانی موسەننا، بابل، واست، دیوانییە، نەجەف، دیالە و بەسرە بەهۆی گەرماکانەوە پشووی فەرمییان راگەیاندبوو.
