بەڕێوەبەرایەتی ئاسایشی سلێمانی رایگەیاند، ئەمڕۆ شەممە لە کاتی رووبەڕووبوونەوەی ئاسایش لەگەڵ تۆمەتبارێک کە پێشتر فەرمانی دەستگیرکردنی هەبووە، کارمەندێکی ئاسایش شەهید دەبێت.
رووداوەکە بەرەبەیانی ئەمڕۆ شەممە 11-06-2022 لە سلێمانی روویداوە. ئاسایشی سلێمانی روونکردنەوەیەکی لەبارەی بڵاوکردووەتەوە و دەڵێت، “لە هەوڵێکی هێزەکانماندا بە مەبەستی دەستگیرکردنی تۆمەتبارێک بەناوی (ن،م،ح) کە پێشتر فەرمانی دەستگیرکردنی هەبووە بە تۆمەتی بازرگانیکردن بە ماددەی هۆشبەر، هێزەکانمان بە مەبەستی جێبەجێکردنی یاسا و دەستگیرکردنی بە فەرمانی بەڕێز دادوەر، لە کاتی هەوڵدان بۆ دەستگیرکردنی لە گەڕەکی (شێخ عەباس) لە شاری سلێمانی تۆمەتبار رووبەڕووی هێزەکانمان دەبێتەوە و لە ئەنجامدا کارمەندێکی ئاسایش شەهید دەکات”.
بەڕێوەبەرایەتی ئاسایشی سلێمانی دەشڵێت، ئەو کارمەندەی کە گیانی لەدەستداوە ناوی (کۆمیسەر / تێبین جەمال عەزیز)ـە و دوای رووداوەکە “تۆمەتبار دەستگیردەکرێت و رووبەڕوی یاسا دەکرێتەوە”.
1
مەرجەکانی وەرگرتن لە کولێژی سەربازی ئاشکرا دەکرێت
2
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
3
سزای بەسەرچوونی مۆڵەتی شۆفێری گۆڕانکاری بەسەرداهات
4
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
5
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
