“لەمساڵدا رێژەی کوشتنی رۆژنامەنووسان 30٪ زیادیکردووە”
  • TEBA KURDİ
  • جیهان
  • “لەمساڵدا رێژەی کوشتنی رۆژنامەنووسان 30٪ زیادیکردووە”

“لەمساڵدا رێژەی کوشتنی رۆژنامەنووسان 30٪ زیادیکردووە”

كانونی دووه‌م 31, 2023 20:40
“لەمساڵدا رێژەی کوشتنی رۆژنامەنووسان 30٪ زیادیکردووە”
0

لایک

فیدراسیۆنی نێودەوڵەتی رۆژنامەنووسان رایگەیاند، لەمساڵدا 67 ڕۆژنامەنووس و کارمەندی دەزگاکانی ڕاگەیاندن لە سەرانسەری جیهان کوژراون. بەوەش بەراورد بە ساڵی رابردوو، رێژەی کوشتنی رۆژنامەنووسان سی لە سەد زیادیکردوە.

فیدراسیۆنی نێودەوڵەتی رۆژنامەنووسان لە راپۆرتێکدا ئاماری ئەو ڕۆژنامەنووسانەی بڵاوکردوە، لە ساڵی 2022 کوژراون و دەستگیرکراون، بە پێی راپۆرتەکە، بە تەنها لە ئەمساڵدا 67 رۆژنامەنووس کوژراون، لەکاتێکدا لە ساڵی رابردوودا 47 رۆژنامەنووس کوژران.

لە راپۆرتەکەدا ئەوەش هاتووە، بەرزبوونەوەی ڕێژەی کوشتنی ڕۆژنامەنووسان هۆکارەکەی، شەڕی ڕووسیا لە ئۆکرانیا، ئاژاوەکان لە هایتی و بەرزبوونەوەی توندوتیژیی لەلایەن گروپە تاوانکارییەکان لە مەکسیک بوون.

ئەوەش خراوەتەڕوو، لە ئێستادا 375 رۆژنامەنووس بەهۆی ئەنجامدانی کارەکانیانەوە لە زینداندان. لە راپۆرتەکەی ساڵی رابردوودا دەستگیرکردنی 365 رۆژنامەنووس تۆمارکرابوون.