بەڕێوەبەرایەتیی پۆلیسی راپەڕین رایگەیاند، بریندارێک گەیەندراوەتە نەخۆشخانەی گشتیی قەڵادزێ کە شوێنەواری دوو چەقۆ بە جەستەیەوە بووە و لەسەر “فول لایت” بریندار کراوە.
شەوی چوارشەممە لەسەر پێنجشەممە، 11-12ـی کانوونی دووەمی 2023، بەڕێوەبەرایەتیی پۆلیسی راپەڕین لەبارەی رووداوێکی برینداربوون راگەیەندراوێکی بڵاوکردەوە و دەڵێت، گەنجێک بە ناوی (هـ، م، ح) لە دایکبووی 2002 کە دانیشتووی قەڵادزێیە و کاسبە، بە برینداری گەیەندراوەتە نەخۆشخانەی گشتیی شارەکە.
پۆلیسی راپەڕین دەشڵێت، بە وتەی بریندارەکە، “لە گەڕەکی راپەڕین لەسەر فول لایت کەسێک بە چەقۆ هێرشی کردووەتەسەر و بە سەختی برینداری کردووە و لەلایەن دوو هاوڕێی گەیەندراوەتە نەخۆشخانە”.
هاوکات، هاووڵاتی (هـ، م، ح) بەهۆی سەختی برینەکەیەوە رەوانەی سلێمانی کراوە.
دوای رووداوەکە پۆلیسی راپەڕین تۆمەتبارەکەی دەستگیرکردووە و دەڵێت، پەڕاوی لێکۆڵینەوەیان بۆ رووداوەکە کردووەتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
