نووسینگەی راگەیاندنی سەرۆککۆماری عێراق لە راگەیەندراوێکدا ئاماژەی بەوە داوە، “سەرۆککۆمار گەرمترین پیرۆزبایی خۆی بۆ هاوتا تورکییەکەی دەربڕی بەبۆنەی دووبارە هەڵبژاردنەوەی بە سەرۆککۆماری تورکیا و هیوای سەرکەوتنی بۆ خواست لە جێبەجێکردنی کارەکانی و بەردەوامی خۆشگوزەرانی بۆ گەلی تورکیا”.
لەتیف رەشید جەختی لە پەرۆشی عێراق کردەوە بۆ بەهێزکردنی پەیوەندییە دوو قۆڵییەکان و فراوانکردنی ئاسۆی هاریکاریی بونیادنەرانەی نێوان هەردوو وڵات بە شێوەیەک کە خزمەت بە بەرژەوەندییە هاوبەشەکانی هەردوو گەلی دراوسێ بکەن.
لای خۆیەوە رەجەب تەیب ئەردۆغآن سوپاس و پێزانینی خۆی بۆ سەرۆککۆماری عێراق دەربڕی بۆ دەستپێشخەرییەکەی لە پەیوەندیکردن و ناردنی بروسکەی پیرۆزبایی، هەروەها هیوای بەردەوامبوونی پەیوەندییەکان و پێشکەوتن و خۆشگوزەرانی بۆ هەردوو وڵات خواست.
