ئه‌مڕۆ چوارشەممە، سه‌رۆکكۆماری عێراق له‌په‌یامێكدا هه‌ڵوێستی خۆی سه‌باره‌ت به به‌های دۆلار به‌رامبه‌ر به‌دینار ده‌ربڕی و رایگه‌یاند، پشتیوانی له رێوشوێنه‌كانی ئه‌نجومه‌نی وه‌زیران و بانكی ناوه‌ندی ده‌كات بۆ به‌رزكردنه‌وه‌ی به‌های دینار.
د. عه‌بدوللـه‌تیف ره‌شید، سه‌رۆکكۆماری عێراق له تویتێكدا له هه‌ژماری تایبه‌تی خۆی نووسیویه‌تی، “پاڵپشتی رێوشوێنەکانی ئەنجومەنی وەزیران و بانکی ناوەندی دەکەین بۆ بەرزکردنەوەی به‌های دینار، بەهۆی ئەنجامە ئەرێنییەکانی لەسەر ئاستی ژیان و بەرزبوونەوەی بەهای پێگه‌ی دراوی نیشتمانی”.
سه‌رۆکكۆمار راشیگه‌یاندووه، جه‌ختده‌كاته‌وه له‌سه‌رئه‌وه‌ی، پێویسته درێژه به رێوشوێنەکانی چاکسازی ئابووری بۆ کەرتەکانی بەرهەمهێنان و پاڵپشتیکردنی وەبەرهێنان و کەرتی تایبەت و رووبەڕووبوونەوەی گەندەڵی بدرێت، بەمەبەستی گەیشتن بە گەشەپێدان و خۆشگوزەرانی.
دوێنێ سێشه‌ممه ئەنجومەنی وەزیرانی عێراق بڕیاری دەستەی بەڕێوەبەری بانکی ناوەندی عێراقی پەسەندکرد بۆ هەموارکردنەوەی نرخی دۆلار بەرامبەر بە دینار کە بەرامبەرە بە هەزار و 300 دینار بۆ یەک دۆلار، واتا 100 دۆلار 130 هه‌زار دینار.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
