لەتیف رەشید: نەبوونی یاسای نەوت و غاز یەکێکە لە کێشەکان
  • TEBA KURDİ
  • عێراق
  • لەتیف رەشید: نەبوونی یاسای نەوت و غاز یەکێکە لە کێشەکان

لەتیف رەشید: نەبوونی یاسای نەوت و غاز یەکێکە لە کێشەکان

كانونی دووه‌م 31, 2023 20:40
لەتیف رەشید: نەبوونی یاسای نەوت و غاز یەکێکە لە کێشەکان
0

لایک

سەرۆککۆماری عێراق، نەبوونی یاسای نەوت و غاز لە عێراق بە گرفت دەزانێت بۆ چارەسەرکردنی کێشەکانی نێوان حکومەتی هەرێمی کوردستان و حکومەتی عێراق، راشیدەگەیەنێت: سێ ساڵە عێراق هەنگاوی باشی نەناوە و نەیتوانیووە بودجە بە باشی خەرج بکات.

لەتیف رەشید، سەرۆککۆماری عێراق لەمیانی بەشداریکردنی لە سێیەم کۆڕبەندی ئاشتی و ئاسایشی رۆژهەڵاتی ناوەڕاست له‌ دهۆك وتارێکی پێشکەشکرد وتی “هیوادارم وانە لە قۆناغی رابردوومان وەربگرین و هەموو کێشەکانی عێراق بە دیالۆگ و هاوکاری چارەسەری بکەین”.

سەبارەت بە پەیوەندییەکانی نێوان هەرێم و حکومەتی عێراق لەتیف رەشید، وتی: “ئەگەر کێشە هەبێت لەنێوان هەرێمی کوردستان و حکومەتی عێراق، دەبێ بەپێی دەستوور کێشەکان چارەسەر بکرێت، نەبوونی یاسای نەوت و غاز یەکێکە لە کێشەکان، هیوادارین پەلە بکرێت بۆ ئەوەی یاسای نەوت و غاز لە عێراق هەبێت”.