لێژنەی باڵای بە جینۆساید ناساندنی تاوانەکانی داعش ئەمڕۆ سێشەممە 24ـی 01ـی 2023، بە سەرۆکایەتی ڕێبەر ئەحمەد وەزیری ناوخۆی هەرێم کۆبوونەوە.
فەرمانگەی میدیا و زانیاری لەبارەی کۆبوونەوەکە رایگەیاند: لە کۆبوونەوەکەدا تاوتوێی کارەکانی رابردووی لێژنەکە و پپلانی داهاتوو کرا، بە مەبەستی زیاتر کارکردن لە سەر بەجینۆسایدناساندنی تاوانەکانی رێکخراوی تیرۆریستی داعش.
راشیگەیاند: هەر لە کۆبوونەوەکەدا ستایشی بڕیارەکەی پەرلەمانی ئەڵمانیا کرا، سەبارەت بەجینۆسایدناساندنی کۆمەڵکوژی ئێزدیان، لێژنەکە ئەو بڕیارەی پەرلەمانی ئەڵمانیای بە گرنگ وەسف کرد.
جێی باسە، لیژنەی باڵای بەجینۆسایدناساندنی تاوانەکانی داعش، بە بڕیاری ژمارە (80)، بڕگەی (2)ـی ساڵی 2020، دامەزراوە کە وەزیری ناوخۆ سەرۆکایەتی لێژنەکە دەکات و هەریەک لە وەزیرانی وەزیری داد، کاروباری شەهیدان و ئەنفالکراوان، کاروکاروباری کۆمەڵایەتی، وەزیری هەرێم بۆ کاروباری پەرلەمان، وەزیری هەرێم بۆ کاروباری دانوستاندن لەگەڵ حکوومەتی فیدراڵ، سەرۆکی دیوانی ئەنجومەنی وەزیران، سکرتێری ئەنجوومەنی وەزیران، بەرپرسی فەرمانگەی پەیوەندییەکانی دەرەوە، سەرۆکی فەرمانگەی میدیا و زانیاری، سەرۆکی فەرمانگەی هەماهەنگی و بەدوادچوون و رێکخەری راسپاردە نێودەوڵەتییەکان و دەستەی سەربەخۆی مافی مرۆڤ تێیدا ئەندامن.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
