وته‌بێژی به‌ڕێوه‌به‌رایه‌تی پۆلیسی پارێزگای كه‌ركووک ئه‌مڕۆ چوارشه‌ممه رایگه‌یاند، شه‌وی رابردوو ژماره‌یه‌ک چه‌كداری هه‌ڵیانكوتاوه‌ته‌سه‌ر سه‌ر ماڵێكی ناحیه‌ی شوانی سنووری پارێزگای كه‌ركووک و خاوه‌ن ماڵه‌كه‌یان به‌ستۆته‌وه و ژنه‌كه‌شیان كوشتوه، پاشان به‌ره‌و شوێنێكی نادیار هه‌ڵاتون.
عامر نوری وته‌بێژی پۆلیسی پارێزگای كه‌ركووک، رایگه‌یاندووە، شه‌وی رابردوو سێ بۆ چوار كه‌س به‌چه‌كه‌وه هه‌ڵیانكوتاوه‌ته‌سه‌ر ماڵێک له ناحیه‌ی شوان كه ده‌موچاویان داپۆشیوه، به‌زه‌بری چه‌ك و هێز خاوه‌ن ماڵه‌كه‌یان به‌ستوه‌ته‌وه و پاشانیش ژنی ماڵه‌كه‌یان كوشتووه.
وتیشی، “ئه‌و ژنه پێشتر له‌سه‌ر نه‌فه‌قات و دارایی هه‌ندێک كێشه‌ی له‌گه‌ڵ هاوسه‌ری پێشووی هه‌بووه و كێشه‌كانیش یه‌كلانه‌كراونه‌ته‌وه، دوای تاوانه‌كه‌ش تۆمه‌تباره‌كان به‌ره‌و شوێنێكی نادیار هه‌ڵاتوون و تاوه‌كو ئێستاش تۆمه‌تباره‌كان ده‌ستگیرنه‌كراون”.
ئاماژه‌ی به‌وه‌شكردووه، به‌پێی زانیاریه سه‌ره‌تاییه‌كان رووداوه‌كه بۆ كێشه‌یه‌كی كۆمه‌ڵایه‌تی ده‌گه‌ڕێته‌وه، لێكۆڵینه‌وه و به‌دواداچوونی هێزه ئه‌منیه‌كان ده‌ستیپێكردووه.
ئه‌وه‌شی روونكرده‌وه، “له‌به‌رئه‌وه‌ی ده‌موچاوی ئه‌و كه‌سانه‌ی هه‌ڵیانكوتاوه‌ته‌سه‌ر ماڵه‌كه داپۆشرابوون، بۆیه به‌ته‌واوی نه‌ناسراونه‌ته‌وه و تۆمه‌تباری سه‌ره‌كی ده‌ستگیرنه‌كراوه”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
