قەدەغەی هاتووچۆ لە قەزای شنگال راگەیەندرا

قەدەغەی هاتووچۆ لە قەزای شنگال راگەیەندرا

كانونی دووه‌م 31, 2023 20:45
قەدەغەی هاتووچۆ لە قەزای شنگال راگەیەندرا
0

لایک

بەڕێوەبەرایەتی پۆلیسی شنگال رایگەیاند، لەسەر فەرمانی فەرماندەیی ئۆپراسیۆنەکانی رۆژئاوای دیجلە لەکاتژمێر 12:00ـی شەوی ئەمڕۆ پێنجشەممەوە تاکو 6:00ی بەرەبەیان قەدەغەی هاتووچۆ لەسنووری هەموو شار و شارۆچکەکانی قەزاکە رادەگەیەنرێت، بڕیارەکەش حاڵەتی مرۆیی و تەندروستی ناگرێتەوە.

لە راگەیەندراوەکەی بەڕێوەبەرایەتییەکەدا ئەوەش هاتووە، لەسەر فرمانی سەرووی خۆیانەوە قەدەغەی هاتووچۆ لەکاتژمێر 12:00ـی شەو تاکو 6:00ی بەرەبەیان لە ئەمڕۆوە تا کاتێکی نادیار دەچێتەبواری جێبەجێکردنەوە، بۆیە داوا دەکەن هەموو هاووڵاتیان پابەندی رێنماییەکان بن و تەنها بۆ هۆکاری تەندروستی و مرۆیی نەبێت لەو ماوەیەدا نەچنەدەرەوە، چونکە ئەو کەسانەی بەبێ هۆکار لەو ماوەیەدا لەدەرەوە بن رووبەڕووی رێکاری یاسایی دەبنەوە.

شایەنی باسە، هۆکاری بڕیارەکەی فەرماندەیی ئۆپراسیۆنەکانی رۆژئاوای دیجلە بۆ دۆخی ئەمنی قەزای شنگال دەگەڕێتەوە، بەتایبەت کە بوونی چەندین هێزی جیاواز لە ناوچەکەدا وایکردووە مەترسی لەسەر ئاسایشی ناوچەکە و هاووڵاتیان دروست بکات.