قایمقامی قەزای ناوەندی هەولێر(ئەربیل) رایگەیاند، دوا بە دوای لێخۆشبوونی باج و رسوماتی گومرگی لەلایەن حکومەتەوە لەسەر بەرهەمی هاوردەکراو، نرخی زۆربەی خۆراکەکان دابەزیوە.
ئەمڕۆ سێشەممە 5ـی 7ـی 2022، نەبەز عەبدولحەمید، قایمقامی قەزای ناوەندی هەولێر(ئەربیل) کۆنفرانسێکی رۆژنامەوانیی لە ناو بازاڕ ئەنجامدا و ئاماژەی بە نرخی خۆراکەکان کرد و رایگەیاند کە لە ئێستادا نرخەکان دابەزیون و وتیشی، “لەڕووی کوالێتییەوە لیژنەکانی قایمقامیەت و لیژنەکانی دیکە لەژێر سەرپەرشتیی پارێزگا بەردەوام چاودێریی بازاڕ دەکەن، هەر کەموکوڕییەک لە هەر شوێنک هەبێت، بەپێی یاسا و رێنوێنییەکان مامەڵەیان لەگەڵ دەکرێت.”
هاوکات نەبەز عەبدولحەمید ئاماژەی بەوەشدا کە لێژنەکان بەردەوام سەردانی کۆگاکان دەکەن و رایشیگەیاند، “لەڕووی کوالێتیی و نرخەوە دەتوانم بڵێم سەقامگیرییەکی باش لەناو بازاڕەکانی هەولێر هەیە و هیچ کێشەیەکمان نییە.”
قایمقامی هەولێر باسی لەوەکرد کە ئاسایسی بەسی ئابووری و بەشی بازگەکان ئەرکەکانیان بە رێکوپێکی رایی دەکەن و وتی، “هەر دوێنێ زیاتر لە 80 کارتۆن گۆشتی قەدەخەکراوی هیندی کە هەوڵدرا بە شێوەیەکی شاراوە بهێندرێتە نێو شاری هەولێر، لەلایەن ئاسایشی بازگەکان لە بازگەی خازر دەستی بەسەردا گیرا.”
لەسەر پرسیاری نرخی بەنزین، نەبەز عەبدولحەمید وتی، “ئێستا بەنزینی پاڵپشتیکراو لەلایەن حکومەتەوە کە بە 690 دینار دەفرۆشرێت، لە 9 بەنزینخانە لەناو شاری هەولێر بۆ تەکسی دابەشدەکرێت. ئەو بەنزینەشی کە بە 800 دینار دەفرۆشرێت، راستە لەلایەن بەشێک لە هاووڵاتییانەوە لە رابردوودا گلەیی لەسەر کوالێتییەکەی هەبووە، بەڵام ماوەی سێ رۆژە دوای ئەوەی سەرچاوەکەی گۆڕدرا، ئێستا کوالێتییەکەی زۆر باشە، هاووڵاتییان بەبێ دوودڵی دەتوانن سوود لەو بەنزینخانانە وەربگرن کە بە 800 دینار بەنزین دەفرۆشن.”
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
