فڕۆكە جەنگییەكانی سوپای عێراق پێگه‌كانی داعشیان له چیای حەمرین بۆردومان کرد.
شانەی راگەیاندنی ئەمنیی عێراق لە راگەیەندراوێکدا ئاماژەی بەوەداوە، ئەمڕۆ شەممە 20-08-2022، حەشارگەکانی چەکدارانی داعش لە ئەشکەوتەکانی زنجیرە چیای حەمرین لەلایەن فڕۆكە جەنگییەكانی هێزی ئاسمانی عێراق بۆردومان كراون.
ئەوەش هاتووە، ھێرشە ئاسمانییەكە بۆ پشتیوانی هێزی پیادەی فەرماندەیی ئۆپەراسیۆنەکانی دیالە بووە و ئۆپەراسیۆنەکە بە ئامانجی راوەدوونانی پاشماوەکانی داعش لە زنجیرە چیاکانی حەمرین، بەردەوامیی دەبێت.
هەرچەندە ئۆپەراسیۆنی هێزەکانی عێراق بەردەوامیی هەیە، چەکدارانی داعش لە ناوچەکانی نێوان هەرێم و عێراق بەردەوامن لە پەلامار و کردەوە تیرۆرستییەکان، ئەمەش بەهۆی بوونی بۆشایی ئەمنی لە ناوچەکە، کە بووەتە هۆی مانەوەی داعش لەو ناوچانە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
