فوئاد حوسێن، وەزیری دەرەوەی عێراق پیرۆزبایی لە ھاکان فیدان، وەزیری دەرەوەی تورکیا کرد بەبونەی دەست بەکاربوونی لە پۆستە نوێیەکەی.
فوئاد حوسێن لە ھەژماری تایبەتی خۆی لە تویتەر نووسیوویەتی “پیرۆزبایی لە ھاکان فیدان دەکەین، بەبۆنەی دەستبەکاربوونی لە پۆستی وەزیری دەرەوەی تورکیا”.
وەزیری دەرەوەی عێراق ھیوای خواستووە کە ھاکان فیدان لە ئەرکە نوێیەکەیدا سەرکەوتوو بێت.
راشیگەیاندووە، “خواستمان ھەیە بەردەوام بین لە کاری ھاوبەش کە بێتەی مایەی خێر بۆ ھەردوو گەلی دۆستمان و پتەوترکردنی سەقامگیریی لە ناوچەکەدا”.
