جۆ بایدن، سەرۆکی ئەمریکا دەستپێشخەرییەکی بۆ بەستنەوەی تۆڕی کارەبای عێراق بە تۆڕی کارەبای وڵاتانی ئەندام لە ئەنجومەنی هاریکاری کەنداو راگەیاند و وتی، لەو رێگەیەوە پشتبەستنی عێراق بە کارەبای ئێران کەم دەبێتەوە.
رۆژی هەینی 15ـی حوزەیرانی 2022، جۆ بایدن، سەرۆکی ئەمریکا لە کۆنگرەیەکی رۆژنامەوانیدا لە جەددەی پایتەختی سعودیە رایگەیاند، عێراق و سعودیە گەیشتوونەتە رێککەوتن بۆ بەستنەوەی تۆڕی کارەبای نیشتمانیی عێراق بە تۆڕی کارەبای ئەنجومەنی هاریکاریی کەنداو لە رێگەی سعودیە و کوێتەوە. وتیشی، ئەو کارە پشتبەستنی عێراق بە ئێران کەم دەکاتەوە.
رۆژی هەینی بایدن لە ئیسرائیلەوە سەردانی سعودیەی کرد و لەگەڵ شا سەلمان، شای سعودیە، محەممەد بن سەلمان، شازادەی جێنشین و بەرپرسانی دیکەی حکومەتی ئەو وڵاتە کۆبووەوە.
راگەیاندنی رێککەوتنەکە دوای ئەوە هات کە رۆژی هەینی مستەفا کازمی، سەرۆکوەزیرانی عێراق سەردانی سعودیەی کرد.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
