شای سعودیە پیرۆزبایی لە لەتیف رەشید دەکات

شای سعودیە پیرۆزبایی لە لەتیف رەشید دەکات

كانونی دووه‌م 31, 2023 20:42
شای سعودیە پیرۆزبایی لە لەتیف رەشید دەکات
0

لایک

بەبۆنەی هەڵبژاردنی بە سەرۆککۆماری عێراق، هەریەک لە سەلمان بن عەبدولعەزیز، شای سعودیە و محەمەد بن سەلمان، شازادەی جێنشینی ئەو وڵاتە، پیرۆزبایینامەیەک ئاڕاستەی د.لەتیف رەشید دەکەن و جەختیش لە برەودانی زیاتر بە پەیوەندییەکانی نێوان بەغداد و ریاز دەکەنەوە.

ئاژانسی هەواڵی سعودیە بڵاویکردەوە، سەلمان بن عەبدولعەزیز شای سعودیە و محەمەد بن سەلمان، شازادەی جێنشین پیرۆزبایی نامەیەکیان ئاڕاستەی د.لەتیف رەشید کرد بەبۆنەی هەڵبژاردنی و سوێندخواردنی دەستووری وەک سەرۆککۆماری عێراق.

شای سعودیە لە نامەکەیدا بۆ سەرۆککۆماری عێراق نووسیویەتی، “بە بۆنەی هەڵبژاردن و سوێندخواردنی دەستووریتان وەک سەرۆکی کۆماری عێراق، خۆشحاڵین و پیرۆزباییتان لێدەکەین، جەختیش لەسەر پەرەپێدانی پەیوەندی نێوان هەردوو وڵات لەسەرجەم بوارەکان دەکەینەوە”.

لە نامەکەدا ئەوەش خراوەتەڕوو، “هیوای سەرکەوتن و بەختێکی باش بۆ ئێوە و گەلی عێراقی دۆست دەخوازین، ئومێدەواریشین عێراق زیاتر پێشکەوتن و گەشەسەندن بەخۆیەوە ببینێت”.

له‌كۆبوونه‌وه‌ی 13ی ئەم مانگەی ئه‌نجومه‌نی نوێنه‌رانی عێراقدا، له‌كۆی 269 په‌رله‌مانتاری ئاماده‌بووی كۆبوونه‌وه‌كه‌ و له‌گه‌ڕی دووه‌می هه‌ڵبژاردنی سه‌رۆکكۆماردا، د. عه‌بدوللـه‌تیف ره‌شید توانی به‌ به‌ده‌ستهێنانی 162 دەنگ، وه‌ک دەیەمین سه‌رۆکكۆماری عێراق هه‌ڵبژێردرێت.