سەرۆکی پەرلەمان په‌یامێک ئاڕاسته‌ی سه‌رۆک، جێگران و ئه‌ندامانی كۆمیته‌ی ناوه‌ندی پارتی ده‌كات
  • TEBA KURDİ
  • عێراق
  • سەرۆکی پەرلەمان په‌یامێک ئاڕاسته‌ی سه‌رۆک، جێگران و ئه‌ندامانی كۆمیته‌ی ناوه‌ندی پارتی ده‌كات

سەرۆکی پەرلەمان په‌یامێک ئاڕاسته‌ی سه‌رۆک، جێگران و ئه‌ندامانی كۆمیته‌ی ناوه‌ندی پارتی ده‌كات

كانونی دووه‌م 31, 2023 20:41
سەرۆکی پەرلەمان په‌یامێک ئاڕاسته‌ی سه‌رۆک، جێگران و ئه‌ندامانی كۆمیته‌ی ناوه‌ندی پارتی ده‌كات
0

لایک

سەرۆکی پەرلەمانی کوردستان-عێراق له‌په‌یامێكدا بۆ سه‌رۆک، جێگران و ئه‌ندامانی كۆمیته‌ی ناوه‌ندی رایگه‌یاند، “هیوادارین ئەم كۆنگرەیە وێستگەیەکی زۆرباش بوبێت بۆ بەخۆداچونەوە و خۆسازدانەوە بۆ ئەرکەکانی حزبایەتی و هاوکات ببێتە هەوێنی یەكڕیزی و تەباییی نێوان سەرجەم حزب و لایەنە سیاسییەكان”.

د. ڕێواز فایه‌ق، سەرۆکی پەرلەمانی کوردستان-عێراق ئه‌مڕۆ دوشه‌ممه‌ له‌ په‌یامێكدا بۆ سه‌رۆک، جێگرانی سه‌رۆك و ئه‌ندامانی كۆمیته‌ی ناوه‌ندی پارتی، رایگه‌یاند، “بەبۆنەی سەركەوتنی 14ھەمین كۆنگرەی پارتی دیموكراتی كوردستان و بەدەستھێنانی متمانەی ئەندامانی كۆنگرە، جوانترین پیرۆزبایی خۆمانتان ئاراستە دەكەین، لە ڕێگەی بەڕێزیشتانەوە پیرۆزبایی لە تەواوی ئەندامان و دۆستان و لایەنگرانتان دەکەین”.

ئاماژه‌ی به‌وه‌شكردووه‌، “هیوادارین ئەم كۆنگرەیە وێستگەیەکی زۆرباش بوبێت بۆ بەخۆداچونەوە و خۆسازدانەوە بۆ ئەرکەکانی حزبایەتی و هاوکات ببێتە هەوێنی یەكڕیزی و تەباییی نێوان سەرجەم حزب و لایەنە سیاسییەكان و پتەوتربونی پەیوەندییەكانی نێوانیان بە ئاڕاستەی یەكگوتاری و ھاوھەڵوێستی لە پرسە چارەنوسسازەكاندا”.

له‌ ماوه‌ی چوار رۆژی رابردودا پارتی دیموكراتی كوردستان كۆنگره‌ی 14ی خۆی له‌ دهۆک به‌ست، كه‌ تیایدا مه‌سعود بارزانی به‌ سه‌رۆک هه‌ڵبژێردرایه‌وه‌ و هه‌ریه‌كه‌ له‌ نێچیرڤان بارزانی و مه‌سرور بارزانیش به‌ جێگرانی یه‌كه‌م و دووه‌می سه‌رۆک دیاریكران، هاوكات كۆمیته‌ی ناوه‌ندیش هه‌ڵبژێردرا كه‌ له‌ 51 ئه‌ندامی سه‌ره‌كی و 9 ئه‌ندامی یه‌ده‌گ پێكهاتوه‌.