سەرۆکایەتی هەرێم: نابێت هه‌رێمى كوردستان بكرێته‌ گۆڕه‌پانى يه‌كلاییكردنه‌وه‌ى ململانێكانی لایەنە ناکۆکەکان
  • TEBA KURDİ
  • رۆژەڤ
  • سەرۆکایەتی هەرێم: نابێت هه‌رێمى كوردستان بكرێته‌ گۆڕه‌پانى يه‌كلاییكردنه‌وه‌ى ململانێكانی لایەنە ناکۆکەکان

سەرۆکایەتی هەرێم: نابێت هه‌رێمى كوردستان بكرێته‌ گۆڕه‌پانى يه‌كلاییكردنه‌وه‌ى ململانێكانی لایەنە ناکۆکەکان

كانونی دووه‌م 31, 2023 20:42
سەرۆکایەتی هەرێم: نابێت هه‌رێمى كوردستان بكرێته‌ گۆڕه‌پانى يه‌كلاییكردنه‌وه‌ى ململانێكانی لایەنە ناکۆکەکان
0

لایک

سەرۆکایەتیی هەرێم لەبارەی هێرشی ئەمڕۆی ئێران بۆ سەر خاکی هەرێم رایگەیاند، “نابێت هه‌رێمى كوردستان بكرێته‌ گۆڕه‌پانى يه‌كلاییكردنه‌وه‌ى ململانێكانی لایەنە ناکۆکەکان”.

ئەمڕۆ چوارشەممە 28-09-2022 سەرۆکایەتیی هەرێم لە راگەیێندراوێکدا ئاماژەی بەوەکردووە، “سه‌ركۆنه‌ى بۆمبارانكردنى هێزه‌كانى كۆمارى ئيسلاميى ئێران بۆ چه‌ند ئامانجێک له‌ هه‌رێمى كوردستان و كه‌وتنه‌وه‌ى قوربانى له‌ناو خه‌ڵكى سيڤيلدا ده‌كه‌ين و چه‌ندباره‌بوونه‌وه‌ى ئه‌م هێرشانه‌ به‌ته‌واوى ره‌تده‌كه‌ينه‌وه‌”.

ئەوەش هاتووە، “داوا له‌ حکومه‌تى فيدراڵيى عێراق ده‌كه‌ين ئه‌ركى خۆى جێبه‌جێ بكات و خاک و سه‌روه‌ريى وڵات بپارێزێت”.

جەخت لەوەش دەکاتەوە، “هه‌ڵوێستى هه‌رێمى كوردستان روونه‌ كه‌ رێگه‌ نادات هيچ هه‌ڕه‌شه‌يه‌كى ئه‌منى بۆ سه‌ر وڵاتانى دراوسێ له‌ سنووره‌كانييه‌وه‌ رووبدات.. دووپاتى ده‌كه‌ينه‌وه‌ كه‌ چه‌ک و هێز كێشه‌كان چاره‌سه‌ر ناكه‌ن و تاكه‌ رێگه‌چاره‌يه‌ک له‌ به‌رژه‌وه‌نديى هه‌موولايه‌كدا بێت ته‌نيا گفتوگۆ و ئاشتييه‌”.

ئەمە لە کاتێکدایە، ئەمڕۆ سوپای پاسدارانی ئێران چەند جارێک لە رێگەی مووشەک و درۆنەوە هێرشیکردە سەر بنکە و بارەگاکانی لایەنەکانی رۆژهەڵاتی کوردستان لە کۆیە، زڕگوێز و شێراوە. هەروەها ماوەی چەند رۆ‌ژێکیشە بنکە و بارەگاکانی ئەو حیزبانە لە ناوچە سنوورییەکان بۆردوومان دەکات.

بەگوێرەی ئامارە فەرمییەکانی حکومەتی هەرێم، تاکو ئێستا لە هێرشە مووشەکی و درۆنانەی ئێران 9 کەس گیانیان لەدەستداوە و 32ی کەسیش بریندار بوون.