“سەرجەم بڕیارەکانی عێراق لە خاڵە سنورییەکانی هەرێم جێبەجێدەکرێت”
  • TEBA KURDİ
  • عێراق
  • “سەرجەم بڕیارەکانی عێراق لە خاڵە سنورییەکانی هەرێم جێبەجێدەکرێت”

“سەرجەم بڕیارەکانی عێراق لە خاڵە سنورییەکانی هەرێم جێبەجێدەکرێت”

ئازار 24, 2023 16:54
“سەرجەم بڕیارەکانی عێراق لە خاڵە سنورییەکانی هەرێم جێبەجێدەکرێت”
0

لایک

سەرۆکی دەستەی خاڵەسنوورییەکان رایدەگەیەنێت، لەگەڵ هەرێمی کوردستان کاردەکەن بۆ ئەوەی کێشە هەڵپەسێردراوەکان چارەسەربکەن و سەرجەم بڕیارەکانی باجی گومرگیش لەو خاڵە سنوورییانە جێبەجێدەکرێن.

عومەر وائیلی، سەرۆکی دەستەی خاڵەسنورییەکانی عێراق لە لێدوانێکی تایبەتدا رایگەیاند: بڕیاری سەپاندنی باجی گومرگی نوێ لەدوای دەرچوونییەوە جێبەجێدەکرێن و دەستەکەمان بەدواداچوون بۆ ئەو بڕیارانە لەسەر فەرمانگەکان دەکات بە مەبەستی گەرەنتیکردنی جێبەجێکردنی بڕیارەکانی حکومەت.

لە درێژەی قسەکانیدا عومەر وائیلی دەڵێت: دەستەی خاڵەسنوورییەکان رۆژانە بەدواداچوون بۆ کاری فەرمانگەکان دەکات و بۆ دڵنیابوونەوە لە بڕیارەکان کە بەشێوەیەکی یاسایی رێچکەی خۆی دەگرێت.

لەبارەی خاڵە سنوورییەکانی هەرێمەوە، سەرۆکی دەستەی خاڵەسنوورییەکانی عێراق وتی: لەیەکتێگەیشتنێک لەگەڵ نوێنەرانی هەرێم واژۆکراوە بۆ چارەسەرکردنی کێشەکان و کەشێکی ئەرێنی دروستبووە و بڕیارەکانیش لە هەرێمدا جێبەجێبکرێن.

En az 10 karakter gerekli