سەدر رایگەیاند، بۆ ماوەیەک کە کەمتر نەبێت لە 30 رۆژ دەبنە ئۆپۆزیسیۆن، تاکو لایەنەکانى دیکە بە هاوپەیمانەکانیشیەوە بتوانن حکومەت پێکبهێنن، ئەگەرنا دواى ئەوە هەڵوێستى دیکە رادەگەیێنن.
ئەمڕۆ یەکشەممە 15-05-2022، موقتەدا سەدر لە تویتێکدا راگەیاند، رێگەچارەیەکیان لەبەردەمدا ماوە کە پێویستە تاقیبکەینەوە، ئەویش ئەوەیە ببنە ئۆپۆزیسیۆنى نیشتمانى بۆ ماوەیەک کە لە 30 رۆژ کەمتر نەبێت.
موقتەدا سەدر لە تویتەکەیدا ئەوەشی خستووەتەڕوو، ئەگەر لایەنەکانى دیکە و فراکسیۆنەکانى پەرلەمان بەوانەشەوە کە هاوپەیمانیان بوون توانیان حکومەت پێکبهێنن، ئەوە کارێکى باشە و پێشوازى لێدەکەن، ئەگەرنا ئەو کاتە بڕیارێکى دیکەیان دەبێت کە رایدەگەیێنن.
موقتەدا سەدر لە 4ى ئایارى 2022، دەستپێشخەرییەکى خستەبەردەم ئەندامانى سەربەخۆى پەرلەمانى عێراق کە لەماوەى 15 رۆژدا فراکسیۆنێکى 40 ئەندامى پێکبهێنن بۆ پێکهێنانى حکومەت.
سەدر لە تویتەکەیدا نووسیویەتى، “شانازییە بۆ من کە ئەوانەى سەر بە منن خاوەنى گەورەترین فراکسیۆنى پەرلەمان بن لە مێژووى عێراق، شانازییە بۆم کە سەرکەوتوو بووم لەوەى گەورەترین فراکسیۆنى تێپەڕێنەرى پشکپشکێنە پێکبهێنم”.
1
مەرجەکانی وەرگرتن لە کولێژی سەربازی ئاشکرا دەکرێت
2
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
3
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
4
سزای بەسەرچوونی مۆڵەتی شۆفێری گۆڕانکاری بەسەرداهات
5
لە وتاری زمانی تورکمانی، ژمارەی هاووڵاتییانی تورکمان بە پەنجەی دەست دەژمێردرێت..!
