موقتەدا سەدر، رێبەری رەوتی سەدر بەمەبەستی لێپرسینەوە لەو کەس و لایەنانەی دەستیان بەسەر موڵک و ماڵی مەسیحیی و پێکهاتەکانی دیکەی عێراقدا گرتووە، بڕیاری پێکهێنانی لێژنەیەکی لێکۆڵینەوەی دەرکرد و رایگەیاند، پێویستە لێژنەکە بەوپەڕی راستگۆییەوە کار لەسەر سکاڵاکان بکات و ماف بۆ خاوەن ماف بگەڕێنێتەوە.
ئەمڕۆ یەکشەممە 05-06-2022، موقتەدا سەدر، رێبەری رەوتی سەدر لە هەژماری تایبەتی خۆی لە تویتەر پەیامێکی بڵاوکردووەتەوە و تیایدا باسی لەوەکردووە، لێژنەیەکی لێکۆڵینەوە بۆ گەڕانەوەی ماڵ، موڵک و زەوی و زاری مەسیحییەکان و پێکهاتەکانی دیکە پێکدەهێنێت، لێژنەکەش لێکۆڵینەوە لەو سکاڵایانە دەکات کە لەسەر ئەو بەرپرس و کەسانە تۆمارکراون کە دەستیان بەسەر زەویی پێکهاتەکاندا گرتووە.
ئاماژەی بەوەشکردووە، لێژنەکە لە هەموو ناوچەکانی عێراق کارەکانی خۆی ئەنجام دەدات و پێویست دەکات رێکاری راست و دروست بگرێتەبەر و کارەکانی بەرێک و پێکی ئەنجام بدات، بەتایبەت کە لە پێشووتردا لێژنەکە سەرکەوتووبووە لەکارەکانی بۆیە بڕیاری بەردەوامی کاری لێژنەکە دراوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
