سەدر پرسی گەڕانەوەی رەوتەکە بۆ پەرلەمان یەکلایی دەکاتەوە
  • TEBA KURDİ
  • عێراق
  • سەدر پرسی گەڕانەوەی رەوتەکە بۆ پەرلەمان یەکلایی دەکاتەوە

سەدر پرسی گەڕانەوەی رەوتەکە بۆ پەرلەمان یەکلایی دەکاتەوە

كانونی دووه‌م 31, 2023 20:42
سەدر پرسی گەڕانەوەی رەوتەکە بۆ پەرلەمان یەکلایی دەکاتەوە
0

لایک

ساڵح محەمەد عێراقی، وەزیری سەدر لە راگەیەندراوێکدا ئاماژەی بەوەکردووە، گەڕانەوەی پەرلەمانتارانی سەدر بە هەموو شێوەیەک قەدەغەیە، هەروەها لەبارەی هەڵوەشاندنەوەی پەرلەمان دەڵێت، بە کشانەوەی لایەنە کورد و سوننەکان پەرلەمانی عێراق هەڵدەوەشێتەوە.

ساڵح محه‌مه‌د عێراقی ئەمڕۆ پێنجشەممە هەڵویستی رەوتی سەدری سەبارەت بە پرسی گەڕانەوە بۆ پەرلەمان راگەیاند و ئاشکرایکرد،”گەڕانەوە بۆ پەرلەمان قەدەغەیە و گەڕانەوەمان بۆ پەرلەمان چەقبەستوییەکی سیاسی دیکە لە عێراقدا دروست دەکات”.

ئاماژەی بەوەشکردووە،”گەر بە ئێمە دەڵێن لەپێناو هەڵوەشاندنەوەی پەرلەمان بگەڕێنەوە، پێتان دەڵێین، گەر کورد و سونە لەپەرلەمان بکشێنەوە، پەرلەمان شەرعیەتی لەدەستدەدات و هەڵدەوەشێتەوە”.

لەبەشێکی دیکەی ئەو پەیامەی وەزیرەکەی سەدر بڵاویکردوەتەوە هاتوە، “هەست بە گوشاری سەر هاوپەیمانان دەکەین، بەڵام ئێمە قوربانی بەخۆمان دەدەین، لەپێناو رزگارکردنی گەل لەو قەیرانانەی دروستبوە، گەل جارێکی دیکە بەشداریکردن لە حکومەتێکی گەندەڵدا رەتدەکاتەوە.

ساڵح محه‌مه‌د عێراقی ئاشکراشیکردووە، “تۆپەکە لە گۆڕەپانی هاوپەیمانەکانماندایە، لەلایەن رەوتی سەدرەوە گەڕانەوە بۆ پەرلەمان بە هەمو شێوەیەک قەدەغەیە، لەژێر هەر فشارێکدا بێت، گەر گەندەڵکاران حکومەتی”نە رۆژهەڵاتی نە رۆژئاوایی، حکومەتی زۆرینەی نیشتیمانی”رەتدەکەنەوە ئێمەش حکومەتی سازانی نیشتیمانی رەتدەکەینەوە”.

لەبەشێکی دیکەشدا باسی لەوەکردووە، “هەڵوەشاندنەوەی پەرلەمان چارەسەری رەوتێک نییە، بەڵکو چارەسەرێکی نیشتیمانییە، داوا لە سەربەخۆکان دەکەین کە هەڵوێستی ئازایانەی خۆیان لەم پرسەدا بنوێنن”.

لەکۆتایی پەیامەکەشیدا وەزیرەکەی سەدر دەڵێت، “دەکرێت سەرۆک کۆمار و حکومەتی کاربەڕێکەر بمێننەوە و کار بۆ هەڵبژاردنێکی پێشوەختە بکەن، دوپاتیشی دەکەینەوە، کلیلی چارەسەری ئەم گرفتە، لای دادوەری بە سیاسیکراو و لای دەسەڵاتداری ترسنۆک و لای رەوتی سەدری کشاوە لەپەرلەمان نییە”.