سێ کەس بەتۆمەتی بازرگانیکردن بە ماددەی هۆشبەر دەستگیرکرا
  • TEBA KURDİ
  • عێراق
  • سێ کەس بەتۆمەتی بازرگانیکردن بە ماددەی هۆشبەر دەستگیرکرا

سێ کەس بەتۆمەتی بازرگانیکردن بە ماددەی هۆشبەر دەستگیرکرا

كانونی دووه‌م 31, 2023 20:43
سێ کەس بەتۆمەتی بازرگانیکردن بە ماددەی هۆشبەر دەستگیرکرا
0

لایک

لە شارۆچکەی بەحرکە ـی شاری هەولێر(ئەربیل) سێ کەس بەتۆمەتی بازرگانیکردن بە ماددەی هۆشبەر دەستگیرکرا و لە ئۆپەراسیۆنەکەدا برێکی بەرچاو ماددەی هۆشبەر دەستی بەسەرداگیرا.

لەوبارەیەوە بەڕێوەبەرایەتی گشتی ماددە هۆشبەرەکان دەڵێت، “دوای بەدوادا چوون و چاودێریەکی وورد لەلایەن ئەفسەر و كارمەندانی بەڕێوەبەرایەتی گشتی نەهێشتنی ماددەهۆشبەرەکان توانرا لەناو شارۆچكەی بەحركە دەستبگیرێت بەسەر بڕی (570) پێنج سەد و حەفتا گرام  ماددەی هۆشبەر لەجۆری (کریستاڵ) و بڕی (390) سێ سەد و نەوەد گرام (حەشیش) بڕی (30) سی گرام (جامایكا)  لەگەڵ دەست بەسەرداگرتنی بڕی (46) چل و شەش شیت حەبی هۆشبەر لەجۆری (ترامادۆڵ) لەگەڵ دەستگیرکردنی سێ تۆمەتبار بەناوەکانی ( س ـ ف ـ ب ) و ( ب ـ ب ـ ع ) و ( ڕ ـ ش ـ ق )كە بازرگانی و ماددەی هۆشبەریان بڵاو کردۆتەوە لەسنووری پارێزگای هەولێر”.

شایەنی باسە ئاماژە بەوەشدراوە کە ،تۆمەتبارەکان پەڕاوی لێکۆڵینەوەی بۆ کراوەتەوە و رەوانەی بەردەم دادوەری لێکۆڵینەوە کراوە.