سه‌روه‌ت و سامانی سەرۆکوەزیرانی نوێی عێراق ئاشکرا دەکرێت
  • TEBA KURDİ
  • عێراق
  • سه‌روه‌ت و سامانی سەرۆکوەزیرانی نوێی عێراق ئاشکرا دەکرێت

سه‌روه‌ت و سامانی سەرۆکوەزیرانی نوێی عێراق ئاشکرا دەکرێت

كانونی دووه‌م 31, 2023 20:42
سه‌روه‌ت و سامانی سەرۆکوەزیرانی نوێی عێراق ئاشکرا دەکرێت
0

لایک

ده‌سته‌ی ده‌ستپاكی عێراق رایگه‌یاند،  محه‌مه‌د شیاع سودانی، سه‌رۆكوه‌زیرانی عێراق وه‌ك یه‌كه‌مین كه‌س له‌م كابینه‌یه‌دا سه‌روه‌ت و سامانی خۆی ئاشكرا كردووه‌.

ده‌سته‌ی ده‌ستپاكی عێراق ئه‌مڕۆ یه‌كشه‌ممه‌ له‌ راگه‌یه‌ندراوێكدا بڵاویكرده‌وه‌، فۆڕمی ئاشكراكردنی سه‌روه‌ت و سامانی تایبه‌ت به‌ سه‌رۆكی ئه‌نجومه‌نی وه‌زیران محه‌مه‌د شیاع سودانی به‌ده‌ست گه‌یشتووه‌، كه‌ یه‌كه‌مین به‌رپرسه‌ له‌م كابینه‌یه‌ سه‌روه‌ت و سامانی خۆی ئاشكرا ده‌كات له‌دوایی وه‌رگرتنی متمانه‌ له‌لایه‌ن ئه‌نجومه‌نی نوێنه‌رانی عێراقه‌وه‌.

سه‌رۆكی ئه‌نجومه‌نی وه‌زیران، وه‌زیره‌كانی كابینه‌ی حكومه‌ته‌ نوێیه‌كه‌ راسپاردووه‌ بۆ ئه‌وه‌ی سه‌روه‌ت و سامانی خۆیان ئاشكرا بكه‌ن له‌به‌رامبه‌ر ده‌سته‌ی دستپاكی له‌ ماوه‌ی یهک هه‌فته‌دا له‌رێكه‌وتنی وه‌رگرتنی پۆسته‌كانیان.

هه‌روه‌ها مادده‌ی (16/ یه‌ك/ ج) له‌یاسایی ده‌سته‌ی ده‌ستپاكی ژماره‌ (30ی ساڵی 2011)ی هه‌مواركراو، تیایدا هاتوه‌، هه‌ریه‌ک له‌ سه‌رۆک و جێگره‌كانی سه‌رۆكی ئه‌نجومه‌نی وه‌زیران، وه‌زیره‌كان و ئه‌وانه‌ی هه‌مان پله‌یان هه‌یه‌ ناچار ده‌كات سه‌روه‌ت وسامانی خۆیان ئاشكرا بكه‌ن.